其實基本上6個月的BB都可試食薯仔蓉, 不過因為六個月大的BBs剛開始試半固體食物, 薯仔蓉比較杰身, 口感可能不太好, BB未必會like, 可以嘗試加入其他有水份的食物mix埋一起比BB食. 今個weekend我就試下製作菠菜薯蓉比孖寶食, 唉….可以話係失手之作. Anyway, 都同大家分享下. 等大家係我的失敗之中做借鏡, 求進步. 菠菜都係一樣只選用比較嫩的菜葉。薯仔我自己就係點點綠買有機的比孖寶試, 好像有點貴, 三十幾蚊3個薯仔.      菠菜薯蓉製作: 材料： １.　菠菜－8-12片 ２.　水－適量 (其實可以唔洗加都ok) ３.　薯仔－1個 做法： 首先把菠菜葉洗淨用水浸１小時，煲滾水，放入烚5 -6 mins，取出瀝乾，之後磨成蓉, 或者用攪拌機攪拌成蓉。 之後先將薯仔洗淨切件, 用水烚熟或者隔水蒸熟,10mins以內都已經可以了。然後趁熱用匙壓爛薯仔成泥, 或者用攪拌機攪拌整成蓉。     最後, 加入之前已磨成蓉的菠菜內拌勻，即成。   我星期六失手就係衰左開頭驚d薯仔會太杰身, 攪拌機攪唔到, 所以加左小小水入去一齊攪, (其實都唔係小小....唉), 之後打出來就變成咁水水的了.      Caydan呢佢都照食哂成碗.      但係Ramsey呢, 佢食左3啖就已經唔食了, 可能太稀佢唔like.     之後星期日呢,我就無加水, 打出來就係咁既texture. 孖寶兩個都ok, 成碗都食哂咁我就比較安心. 後來再research下先發現, 其實薯仔蓉可加入粥仔內一起比BB試, 好多BB都好喜歡的咁話喎。 我和孖寶的Facebook Page: 荔枝與孖寶 If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com