踏入猴年後  一個字都冇寫過 原因..... 呢排負能量爆燈  根本冇心情同時間去打字 好想快D 有個新開始    (真係要打篇文去舒發下先)   冇心情打字  我就選擇整下野食令自己開心D 見 Owenmama's Kitchen 出左個新POST 介紹 咁我又膽粗粗咁試下先，當然冇佢整得咁靚，但都叫做成功入得口!  哈哈~  (特別鳴謝 Owenmama's Kitchen 食譜)    芒果糯米糍   材料: (足夠整到大大粒 約 20粒)   1. 椰漿 約400ml  + 水 約 200ml 2. 芒果肉 (3個) 3. 糯米粉 約300g 4. 椰絲適量     5. 糖 約150g     ** 由於家中搵唔到量杯，所以份量係大約架咋! 而且我搵唔到吉士粉就唔落，哈哈~**   做法:      Step 1:    將椰漿加入水，再分為兩份，一份 300ml 加糖煮熱 (細火)，直至糖溶透。                然後將它加入另一份300ml內，待用。     Step 2:    小小將椰漿加入糯米粉內攪拌, 要攪到冇粉粒 (滑lulu) 變成粉漿 Step 3:    將粉漿隔水蒸至粉團熟透 (唔好意思，我睇漏左，冇用保鮮紙蓋好先蒸, 所以.... 粉團有孔)     Step 4:    將芒果肉切粒，待用。 Step 5:    蒸好的粉團放至微暖 Step 6:    粉團切小粒加入芒果粒，包好再鋪上椰絲，攪掂。      白雪雪的芒果糯米糍出場啦!! 第一次整都覺得好滿意， 個皮好煙韌，唔會硬骨骨，雪凍食仲好味 下次試用其他配料先!!   Welcome to S.K.Y. Lovely Family