近日睇到好多學生輕生的新聞，不禁令人傷心難過，同時亦好擔心Caydan Ramsey 將要面對嘅世界會變成點！日日睇新聞都令我有著好大的無力感，小朋友將來面對同要走的路看來只會越來越崎嶇！   作為孖媽，我可以做的就只有拼盡我的老命去伴著你地去一起面對！Caydan Ramsey，記住無論好定係唔好，媽媽都會一直係你地身邊陪住你們一起面對，永永遠遠。   同時我亦想到，我地對其他人的關懷係唔係減少了？我地係唔係已經好耐無對人表達真誠的問候？係唔係已經唔會留意身邊家人朋友的情緒變化？又或者，我地自己在追逐名利的同時，亦都支持緊社會凡事功利行先的風氣？我地係唔係亦都變成怪獸家長，接受呢個世界所謂弱肉強食的社會現實，要求我地的孩子要贏在起跑線上？   要佢地面對呢d唔合理嘅壓力！我地又可以做d咩去幫助孩子們？     這令我即是想到德國的教育制度，德國可以話係係現代教育先驅。係我地香港爸媽的觀念裡入面，無論如何都希望等孩子讀到好的大學同畢業，咁先叫做有d成就。但德國人的思維方式，就認為應該擁有一份有保障的工作，咁先係最實際的選擇，所以你地唔會見到佢地國家每個人都會想去擠入大學那一道窄門。   德國的職業教育，可以話係世界上做得最完備的國家，佢地對專業的訓練好講究，所以孩子係小學畢業之後，就必須選擇將來要進大學或是接受職業教育的訓練。   德國的初中已經將擁有不同能力嘅小朋友分流，等佢地可以係自己擅長嘅專業上努力。當地甚至有法例嚴禁6歲以下幼兒接觸電子產品，而7歲以下的幼兒更加係唔可以背誦串字。     德國的小學，大部份都只有四年。在這四年裡，學習基本的基礎教育，最重要的科目是德語和數學。中學之後開始加入更多的選修課程，到了八年級，學校老師就必須輔導和建議學生，開始選擇自己的專業。令孩子能夠係自己專長上發光發亮。   總之，德國人認為就算書無讀好，總得為自己找一條謀生的出路。而對於失業率偏高的歐洲，德國政府對職業的輔助和補助，可以話係不遺餘力。   我們的香港政府又會為我們的孩子，做d咩來解開這個困境呢？   香港的孩子，對不起。 我地還未來得及各你展示生命的美好， 卻急著向你地施加生活的壓力。你地的生命值得美好。   香港的爸媽們，你的小朋友可能屬於另一個領域，係唔同的領域內都可以係一個了不起嘅人物。我明白成個環境都好難叫家長獨善其身！其實連學校的老師都只會迫小朋友做功課。   我地坐係高級寫字樓的政府要員只係會睇到數字，睇不見人命，更加睇唔到人性。到底我們家長還可以做什麼？唔好意思，呢刻感覺有點灰 !   我和孖寶的Facebook Page: 荔枝與孖寶 If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com