3 MARCH 2016(THU) 謝謝Brother Hong Kong邀請，今日有幸出席佢地最新推出ScanNCut CM900嘅傳媒預覽會。 本身我自己都擁有佢地嘅第一代，發覺好啱我同小小豬齊齊做小手工，所以都好期待知道依一部會有咩新配套呀~ 今日依個簡單而隆重嘅傳媒預覽會就係觀塘Centre De Vin舉行，老實講...其實我都好少出席依啲記者會，所以都有點緊張呢~ 係未正式開始預覽會之前，見有時間就當然見一見今次嘅主角 - ScanNCut CM900創意裁剪機~ 睇外型就好似同我擁有嗰第一代分別唔大，但細心啲睇原來係配以大型嘅4.85吋液晶觸摸屏，真係大啲啲又清楚啲呀。另外，仲內置左超過1,000款設計圖案，增強了的可讀性數據甚至能配合刺繡機來使用，其大型的12''×24''掃描和切割區域讓您製作大型的設計。 新一代ScanNCut除左可以切割紙及布之外，亦可以切割膠片、厚身布、貼紙...等，用途真係好廣泛呀！ 為左作出配合，Brother仲推出左一系列工具，令到我地可以好方便咁做出屬於自己嘅DIY物品呀~ 會上仲擺放左一系列由CM900創意裁剪機所切割做製成品，睇見啲咁靚嘅手工，我真係有點汗顏，點解可以整得又靚又精細，我仍然係同小小豬處於簡單切割小圖片，睇嚟我要加點努加及創意先得啦~ 睇完啲靚靚手工次後，活動就正式開始，當然就由負責人為我地介紹依部新機啦~ 原 來CM900創意裁剪機係全球首部配以Wireless無線網路嘅裁剪機，只要連接ScanNCutCanvas設計平台，就可以配合雲端設計平台可以利 用平版電腦自由創建刀模或免費下載ScanNCutCanvas作品刀模來製作多元化的創意作品，包括橫額、心意卡、禮物盒、立體花、精美相架及多款拼貼 圖案作品。而且平台仲會有埋短片教學，同埋會一步步咁教我地，所以完全啱晒我依啲初哥呀！ 介紹完部機之後，磨姑媽媽Billie就為我地分享佢同囝囝利用ScanNCut創意裁剪機做手作的點滴。聽完佢講解又真係好似"叮"一聲，可以參考佢嘅用法同小小豬玩下哦~ 另一位嘉賓就係創作藝術家Linus，佢分享他利用ScanNCut創意裁剪機製作嘅作品~ 活動過後，大會為我地準備一啲小茶點俾我地，不過.....依啲紙杯仔、紙盒仔同埋個朱古力裝飾都係用ScanNCut創意裁剪機整，真係好勁呀~ 雖然今日只係一個傳媒預覽會，不過對我嚟講就學到好多用依部機嘅方法，嚟緊復活節假期同小小豬做啲高層次嘅小手工，到時再同大家分享呀！(依家嗰啲又真係實在唔見得人呀...HEE HEE)   More Information : Website：http://www.brother.com.hk/eshop/zh/scanncut-/1146-cm900.html Facebook：https://www.facebook.com/brother.hk/?fref=ts       **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦