<<親子篇之清新地農場>> 復活節連續4日假期, 又咁好天氣, 岩哂一家大細去旅遊。雖然陳小B重係我肚, 不過我已經同佢周圍去 ! 西貢我去過唔少次, 不過清新地農場我就第一次, 先教大家點去, 首先坐車去到科大北門(我係坑口地鐵站B1出口搭11號小巴, 約15分鐘便到科大北門)  落車之後, 你會見到一個清新地既路牌, 箭嘴位置。溫馨提示: 沿路一直落榴梯, 行太約15-20分鐘, 如果唔想行既朋友有第2個選擇 -----坐小巴直西貢, 係白沙灣落車, 搭船入去, $20位, 咁就唔使行咁多啦。   先講一下費用, 我今次係買groupon - $458 四位, 包導賞活動, 香草種植, 自製鬆餅同品嘗花草茶, 重有有機菜一包比你拎走。 如果平常walk in, 每位入場都係$100 (大小同價), 不過無有機菜送。     活動一: 導賞活動  職員會介紹咩係有機耕作之後會帶你行農田一圈講解下塊田     活動二:香草種植 農田附近種滿薄荷葉, 職員會叫你地隨手剪一小株, 再放入個已裝好泥既盆, 淋濕D泥, 即成! 完成圖 (唔好放係太曬既位置, 一日淋一次水, 每個月施肥一次, 用米水或者落咖啡渣)   活動三:自製鬆餅 過程好簡單, 太約15-20分鐘就整好, 每2-4個人一盆發粉, 加沙糖, 提子, 奶, 搓成一舊舊, 焗20分鐘就搞惦, 好適合小朋友參與! 最後梗係唔少食飲番一壺有機薄荷荼啦。   其他設施 其實每項活動之間都要等一陣, 所以可以好好利用呢D時間四圍同小朋友玩下, 影下相。另外佢地有個小型羊舍, 有機會可以餵下佢添, 唔使額外收費。   又可以影下相, 四周環境都唔錯架       重有兒童遊設施可以比小朋友活動下   注意事項: 如果你係選擇搭船出番石沙灣碼頭再轉車出番去市區, 星期六日就要特別留意啦。我上次黃昏時間出來, 最後等左好多班小巴都上唔到車, 最後要搭一架已經逼爆既巴士企左半個鐘先可以出到彩虹地鐵站, 所以大家走既時候要留意時間啦。     清新地開放時間為:9:00am-5:00pm 地點:    網站: http://www.naturesharvest.com.hk/ FB: https://www.facebook.com/naturesharvest/ My Blog: http://mrschan131216.blogspot.hk/