上一篇出了肉燥飯食譜, 今次就整鹽酥雞啦. 其實我係同一日煮的, 不過分開2篇出就會清楚一點. 平時去台式料理店, 鹽酥雞都係我9成會點的菜式之一, 鐘意佢惹味得來口感又特別, 雞件上一粒粒的脆粉係重點, 知唔知係用咩粉先做到咁既效果呢? 答案係....木薯粉!(亦即地瓜粉), 看似好難做, 其實又係超簡易, 而且唔駛太多時間預備, 有興趣就睇下點整啦: 材料: 雞胸肉 2塊 雞蛋 1-2隻 地瓜粉 適量 調味: 生抽, 糖, 胡椒粉, 五香粉, 椒鹽 和適量 ​​ 做法: 1. 雞胸切成方形小塊, 加入調味料醃1小時以上 ​ 2. 把雞件沾上蛋漿, 再沾滿地瓜粉 ​ 3. 燒熱炸鍋, 放入雞塊炸至熟, 撈起. 放3分鐘再炸第二次至金黃色, 即可瀝乾油上碟. ​ 4. 最後在表面灑上少許辣椒粉和椒鹽, 即可趁熱食用. ​ 口感和味道跟餐廳的也很相似, 雞肉醃長一點時間可更入味, 而且謹記一定要炸2次, 炸的時侯要用大火, 才會保持脆口和迫出油份. ​ 聯絡產品試用和活動: email: sherice_hy@yahoo.com.hk Facebook page: www.facebook.com/MinibubbleCorner ❤Blogspot❤ ❤The Ztyle❤ ❤She.com❤ ❤weshare❤ ❤Qooza❤ ❤iTrial❤ ❤Elle Blog❤ ❤ My Cossip❤ ❤UBeauty❤ ❤Pixnet❤ ❤Beauty Exchange❤ ❤Salad❤ ❤Beauty Life❤ ❤Esdlife❤ ❤OpenRice❤ ❤博勢力❤ ❤Chiba78❤ mamibuy