25 MARCH 2016(FRI) 早前參加Swiss Kiss Lab新品預覽會嘅時候(按此重溫)，大會送左兩支產品俾我，我都用左差唔多兩星期了，用落都覺得唔錯，所以就同大家分享一下啦~ 其實活動當日我都係手背上試過，即時感覺都唔錯，用完之後手背又真係滑左啲啲，所以對依兩支產品都有一定嘅信心。由於上一次都提及過產品，所以今次我就唔多作介紹，同大家分享下我嘅體驗啦！ Gentle Cleansing Foam 溫和潔面泡沫~ 泵裝設計非常方便~ 質地泡沫狀，基本上泵兩至三下就足夠全面使用~ 由於含有機接骨木果精華、覆盆子精華及有機薰衣草花水，所以洗面時都會有淡淡嘅香味，我自己就好鐘意依個味啦！ 可能我本身都幾鐘意泡泡，所以用依個潔面泡沫慢慢按摩洗面時，都真係幾舒服，而且洗完面之後，肌膚完全沒有繃緊緊嘅感覺，仲帶一點清爽添~ 24H Moisturizer 24小時保濕面霜~ 同樣係泵裝設計，泵兩至三下就足夠全面使用~ 質地呈CREAM狀，都好易推開呀~ 早晚於潔面及淨膚水後使用，輕輕按摩面部~ 我自己就會係晚上瞓覺前，係面頰至頸位置搽多一層，因為除左塊面次外，頸部通常都係被遺忘呀~ 用左之後覺得滋潤中又不失清爽，就算係依家依啲潮濕天氣，都唔會有痴笠笠嘅感覺。 用左兩個星期，最明顯就係覺得肌膚滋潤左啲啲，同埋我嘅頸紋開始有點減淡，雖然效果唔係"嘩"一聲咁快地變好，不過相信KEEP住用依啲天然無害嘅產品，就會慢慢一步步咁見到啦！   More information : Website：http://www.SwissKissLab.com/ Facebook：https://www.facebook.com/SwissKissLab/     **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦