23 MARCH 2016(WED) 基本上我都係一名愛好集郵人仕(我指同公仔影相...唔好諗其他....哈哈哈)，所以當Oh!爸媽邀請小小豬去希慎廣場搵MIFFY時，我緊係即刻答應，因為我真係好鐘意同公仔影相呀~ 今次MIFFY嚟到希慎廣場係為我地帶嚟一個繪本世界，主要就係係間MIFFY HOUSE進行，所以各MIFFY家庭成員都企定定同大定影相呀~ 好一個懶有型嘅小小豬~ 係未開始進入MIFFY繪本世界之前，先嚟同小小豬去蓋印仔先。今次其實係有五個蓋印仔位，不過由於時間關係，今日只可以俾小小豬蓋一個先，等下次再嚟時先再去蓋過啦~ 蓋完印仔時間剛剛好，MIFFY出嚟啦~ 緊係要集郵一番啦~ 之後我地就去設計屬於自己嘅MIFFY~ 小小豬對畫畫真係可以話係零興趣同零天份，所以都唔預佢可以畫得啲咩出嚟，不過都係我嘅指引之下，畫到一隻變種MIFFY啦~ 依隻就係小小豬嘅變種MIFFY，都叫做睇得出係一隻兔仔啦...哈哈~ 畫好左之後就可以將MIFFY交俾工作人員，將圖片電腦掃瞄後，3D MIFFY就出場啦~ 小小豬設計嘅變種MIFFY由大顯示螢幕出嚟啦~ 可能係自己設計關係，依隻小小豬話要陪MIFFY一齊，要睇佢玩一陣波咁話呀~ 係依個時候當要要出必殺絕招，帶隻為食豬去食MIFFY落肚佢就肯走啦~ 超可愛嘅MIFFY雪條，真係有啲唔捨得食落肚呀~ 小小豬就係食士多啤梨味，我就食朱古力，兩條味道都幾好，唔會太甜得嚟又好夠味。唔好以為係細細條，佢嘅份量都真係一啲都少，食完之後都真係幾飽肚呀！ 由於我地之後有節目，所以玩左一陣就離開，其實係利園同埋利舞台嗰邊都有啲MIFFY佈置，又係可以影靚相。不過整個活動去到四月二十四日，所以下次出銅鑼灣時就再影過啦！   More Information : Website：http://hp.leegardens.com.hk/ Facebook：https://www.facebook.com/hysanplaceleetheatre?fref=ts       **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦