26 MARCH 2016(SAT) 想睇櫻花唔一定要去外國，係香港一樣都可以睇到靚櫻花，仲可以嚟親密接觸添(我指係企旁邊影相，唔係爬上去嗰隻呀)~ 今日我地入嚟嘅目的都係為左參加科學園「動感科學園地－鬥智復活城」，係我剛剛去到科學園嘅時間，係金蛋下都已經有幾棵櫻花樹開左，不過由於我地要趕住去參加活動，所以冇第一時間行去睇~ 當小小豬參加晒所有活動之後，我緊係要嚟睇下依咁靚嘅櫻花樹啦~ 其實係金蛋對出嘅小花園都係種左好幾棵櫻花樹，不過就以這兩棵開得特別燦爛~ 一見到咁靚嘅櫻花我都真係連豬仔都唔要，佢地兩父子就係個花園度比賽跑步，我自己就不停係度打花。其實唔止我，在場都有好多打花之人係度不停影，佢地嘅器材都好利害，又長又大嘅鏡頭，我只係用部5N機，見到都有點比下去，可想言之依幾棵櫻花威力都幾大。 雖然我嘅相機唔算好專業(哈哈哈...專業用嚟打豬就夠啦)，不過係我鏡頭下嘅櫻花都影得幾靚呀~ 仲有小蜜蜂添~ 係咁靚環境下緊係又要影返張相先得啦~ 其實今日入科學園都完全冇諗過會多見到啲櫻花，事前我連留意都冇，所以真係可以話係一個意外收獲。 見到啲咁靚嘅櫻花，真係人都特別開心啲。依家知道有一個睇櫻花咁好嘅地方，真係令我更加鐘意入嚟科學園玩，唔知下次入嚟會唔會再見到啲櫻花呢！   **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦