31 MARCH 2016(THU) 雖然之前小小豬都已經反轉花蛋節(按此重溫)，不過放假有時間點都要入嚟玩下，好好玩埋最後嘅復活節假期嘛~ 由於今次又係我地兩母子拍拖遊樂園，所以就要自己搭車入樂園，不過咁都好...因為小小豬恨左搭迪士尼列車好耐，終於可以趁機搭到啦~ 依期小小豬勁愛DUFFY，繼早前帶埋去跳彈床之後，今日又話要帶埋入園，見佢咁堅持所以都如佢所願啦(好在大部分時間都係佢自己拎....唔洗我點煩...哈哈哈)！ 上次入園因為錯過左同醫神合照時間，所以今次第一目的就係去搵醫神。 好在人唔算太多，等左十五分鐘左右就見到醫神，小小豬即刻衝過去啦~ 玩左一陣先肯正正經經影相呀~ 影完相我地就去學畫畫~ 今次變種嘅就係三眼仔，不過都總比上次嘅勞蘇好，都叫做有丁點似啦~ 之後小小豬又話要去搵花蛋~ 估唔到奇妙仙子會周圍走，今次嚟到米奇水池呀~ 其實我地邊搵花蛋都邊玩GAME，今日勝在唔算太多人，基本上最多排20分鐘左右就玩到~ 玩左一陣，小小豬話肚餓，見佢今日都幾乖，所以就俾佢去揀一份小食啦~ 好明顯佢就係揀左啫喱，仲話非常好味添，真係俾佢激C~ 食完剛剛好夠鐘去搵DUFFY & SHELLIEMAY，今日又係非常好彩，排左15分鐘左右就影到啦~ 依期咁愛DUFFY，依個小小豬仲同佢地兩個玩到唔願走呀~ 之後當然又係繼續玩，今次仲玩到七點幾先走呀(不過因為我相機冇電，所以之後都冇再影相，專心同小小豬玩啦)~ 玩左成日，玩到尾小小豬都已經勁攰，好在廿四孝DADDY放工之後渣車入嚟接我地走，如果唔係要我咁攰情況下再抱住小小豬，我一定C得呀...哈哈哈！       **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦