2 MAY 2016(MON) 放假就即係放電嘅時候，多謝We嘩!充氣嘉年華又俾機會小小豬成為小小試玩專員，又可以嚟瘋狂大放電啦~ 今次KCP嘅至激海洋世界都有好多唔同種類遊戲，有動又有靜，仲分左係三層進行，咁就真係可以行到邊玩到邊啦~ 睇左地圖一陣，小小豬就表示要先上一樓玩，因為有佢上幾次都冇玩嘅「我要做騎師」。明明係話要騎馬仔，點知一見隻恐龍就改變主意，咪又係因為佢個偶像PEPPA關係啦~ 接住我地就玩係一樓嘅一連串小遊戲，先嚟同DADDY一齊投籃球，在DADDY幫手都算入到球，有個小禮物，就係小小豬戴係頭上嘅可愛帽啦~ 之後就擲飛標，估唔到小小豬好利害，佢自己擲中左一粒飛標，嬴左份可愛嘅擦膠呀~ 最後我地係一樓就玩埋射鴨仔同射波波，不過....失敗左射唔中，但估唔到小小豬只係話：唔緊要呀，我地之前已經中左獎品，一份就夠啦~ 玩完一樓，我地就轉戰UG，因為有小小豬其中一個至愛遊戲「流沙掘海中寶」，就即係玩沙啦~ 依隻傻豬仔話啲沙變左粉紅色仲靚哦，玩左都唔知幾多轉(當然我地係有排隊..排隊再排隊啦)，都仍然話好好玩，真係俾佢激C，睇嚟我地要等好天氣時，快啲帶佢去沙灘玩沙先得啦~ 文靜一下，去「海洋藝術廊」做下手工先(其實係媽咪我企都攰，要休息一陣呀)~ 今次小小豬揀左用啲膠水粒粒整個相架，原來比我想像中有啲難，因為啲粒粒好膠手，同時又要慢慢好有耐性咁去整。不過見小小豬都好用心咁做，都要俾個LIKE佢啦~ 由於今次係有時限20分鐘，所以我地慢慢做嘅情況下，都未算完成整個手工，差少少啦...不過都算唔錯啦(自我安慰中)~ 我地繼續向B1核心範圍進發，因為最好玩嘅遊戲都係度，所以非常熱鬧呀！ 先嚟玩「超級全疊打」，小小豬之前都未接觸過打棒球，好在負責姐姐慢慢咁教佢，所以都叫做識識地啦，不過打唔打中就......唔好提啦...呵呵呵~ 排左半個鐘有多啲「捕鯊探險記」，上次小小豬都已經勁鐘意玩，不過今次實在太多人所以小小豬都只係玩左一次，佢都話瀡得有啲唔夠喉呀~ 同樣都係排大半個鐘嘅「海洋掘掘樂」，今次明顯小小豬玩得叻左，仲掘到好多波波哦~ 最後小小豬就係「海洋遊樂園」超興奮狂跳，將佢所有嘅精力都用盡嚟跳餐飽呀~ 今日小小豬又過左一個開心又放電嘅下午，雖然我都真係排隊/陪企都覺得勁攰，不過見小小豬玩得開心，咁燦爛笑容都係值得嘅！   More information : 【KCP x Kido Town 至激海洋世界】 日期︰2016年4月29日至5月8日 時間︰上午11時至晚上7時 地點︰九龍城廣場 B1， UG SPATIAL AREA 及1樓 SHOP 101-107A 套票價：$140 （任選3個$50遊戲 + 2個$10遊戲），另設$50及$10遊戲券 Website：http://www.wewaland.com/  Facebook：https://www.facebook.com/WeWaLand/     **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦