將軍澳區真係越來越多人, 唔好以為呢度只係純粹係住宅區, 其實都有好多值得同小朋友去玩既地方, 其中包括觀塘海濱公園、坑口單車館等, 仲有上年先開放既調景嶺公共圖書館, 隔離仲有一個康文暑免費室內兒童遊戲室, 好適合一D年紀比較細既小朋友去玩, 如果大D既小朋友們, 行多2分鐘隔離有個戶外大公園, 入面有D高難度擧爬遊戲架同滑梯, 10歲8歲去玩都會覺得好興奮。 大家想去就跟住我呢個指示啦, 好方便架咋. 調景嶺MTR A出口, 過對面馬路向左行, 就會見到一大座IVE, IVE入面有好多藝術米奇歡迎你  再行多5分鐘轉右, 就會見到呢座啡色建築物, 呢度就係圖書館啦 老實講唔係因為阿仔, 我超過十年以上無去過圖書館, 呢度上年先開, 所以圖書館入面全都都好新, 小朋友可以坐上軟墊地方慢慢睇書, 但想上去就請除鞋同埋記得....KEEP QUIET ^^  圖書館分開幾層, 第二第三層有小說同報紙雜誌, 而適合HIMHIM既圖書就係晒第一層, 大量1-10歲適合睇既圖書呢度都有, 阿仔對ABC書同一D立體書都好有興趣, 忽然間我覺得其實唔洗再買書, 係圖書館借書多方便  圖書館好大, 好舒服, 爸爸把握時間同HIMHIM坐定定睇圖書 原來圖書館日日都開放, 連星期日同公眾假期都開, 真係太好!  除左圖書館走過隔離體育館地下層就有個好大既遊戲室, 入面以海洋為主題, 嘩~有好大隻潛水艇啊!  想去免費兒童遊戲室, 要先排隊, 9AM-8PM開放, 每節1小時15分, 每節完結都會全面清潔, 確保衛生  遊戲室左邊就係全部有軟墊既樂園, 右邊有換片室仲有大量椅子比家長可以坐係度等小朋友自己慢慢玩 小朋友可以周圍走周圍爬己經好開心, HIMHIM就最鐘意玩呢條森林滑梯  全部都有超厚軟墊, 家長可以可以大大放心一定唔會跌穿頭   可以係斜路上上落落HIMHIM就最開心 周圍都有好多小遊戲比小朋友玩  HIMHIM第一次玩哈哈鏡....好得意啊!  認圖案、認動物、認天氣 認數學、認生果、認顏色   開開心可以玩足一個下畫, 你地有時間都黎睇下啦 ^^ 調景嶺體育館 將軍澳翠嶺路2號   大家有任何意見或產品試用歡迎與我電郵聯絡: ppqq1437@yahoo.com.hk  歡迎Follow FansPage: www.facebook.com/1437ritaandhim 其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA, iTrial, openrice...等