好多人都知道，我其中一個人生目標，係努力護膚，同兩位愛囡好似姊妹咁行街， 所以敷 mask 已經成為我生活嘅一部分。   不過，估唔到今次咁有驚喜，一舉三得! 1) 敷完效果好; 2) Keicy 增加藝術細胞; 3) 一次好開心嘅親子活動!     BORGHESE 最近出咗 60 周年限量版 FANGO 美膚泥漿， 有好多隻色揀, 我就揀咗我最愛嘅粉紅色! 所以我搽厚厚哋一層，等佢冇咁快乾，慢慢嘆，睇住電視嚟敷! 嘻嘻!   Paper mask vs 泥漿mask 相比 paper mask, 我更鍾意泥漿 mask， 因為敷 paper mask 嗰陣唔可以郁，唔可以講嘢。 而敷泥漿 mask 嗰陣， 講電話，得， 睇電視，又得， 個口郁得，塊面亦都郁得， 唔使就住就住，驚塊 paper mask  走位， 簡直正到要跳起身大叫 YEAH 呀!   用後感 洗完面後，feel 到毛孔細咗，皮膚好咗， 第二日化妝都貼啲，成個人靚哂!   點解？ 因為呢隻泥漿含蜜桔皮精華同維他命A， 能夠促進皮膚新陳代謝、加速血液循環， 有助細胞激活再生，提昇肌膚嘅明淨度同光澤， 同時深入淨化毛孔嘅毒素， 皮膚就算幾攰，都可以即刻回復晶瑩剔透，充哂電!   Share = Beauty Level Up 當我搽緊啲泥漿嗰陣， Keicy見倒我成塊面粉紅色， 即刻高呼:「嘩! 粉紅色，好靚呀! 」 於是我忍唔住，搽少少上佢塊面度。 Keicy 立即反擊，唧我條腰，想引我笑…… 我哋兩個傻婆就係咁樣，你來我往，玩得好開心! :)   估唔到，同 Keicy 分享泥漿 mask，係一次優質嘅親子時光! 心情靚靚嘅我, 皮膚又白又滑，自然更加容光煥發，由內靚到外啦!  ^^   Keicy 的意外收穫 BORGHESE 呢個 60 周年限量版 FANGO 美膚泥漿，包裝好靚， 有揮灑細緻嘅書法筆觸同流光溢彩， Keicy 見倒就即刻拎畫紙同顏色筆照住畫。   我趁敷 mask 嘅時候，睇到以下嘅介紹： 「我想利用非常獨特細緻的書法，配合繽紛的色彩去再演繹 FANGO 這個字，設計既抽象，卻又平易近人。」- 多媒體設計藝術大師 Aerosyn-Lex Mestrovic (LEX)   嘩! 原來 Keicy 喺不知不覺之間，接觸到代表東方美學嘅書法! 拎起顏色筆, 喺畫紙上揮舞嘅 Keicy, 好似海綿咁樣, 吸收藝術細胞.   呢個意外收穫, 令我由心入面笑出嚟， 同時，塊面亦好似海綿咁樣, 吸取含豐富礦物成份嘅火山泥. 一個字: 正!     一樽泥漿 mask, 一舉三得, 一個星期敷兩次走唔甩!　XD P.S. 其他幾隻色, 搽面又得, 搽身又得, 適合唔同人仕。^^   FB: KeicyKK