今次試用嘅係韓國 Petiten 多功能軟墊嬰兒椅，其實本身我係唔知坊間有呢種產品，但係一同媽媽 group 啲人一講起好似個個都知咁，有啲媽媽仲已經係用家黎添，我諗我真係要花多啲時間研究吓 BB 嘢先得!     呢一種軟膠摸上手個感覺幾好，軟得黎感覺好有承托力。個面有啲細紋，即使 BB 出咗汗都唔會啜住啲肉。重量大概一磅，唔會太 heavy! 包裝上說明佢不含 BPA、以醫學級 PU 塑膠制成，最緊要係韓國製造，品質一定唔會差。     底部有一個吸盤，可以用黎吸住浴盤，擺咗 BB 上去唔洗擔心沖涼果陣一個唔覺意冼咗佢落水度啦! 喇~ 原本我係有影相咖，不過兔爸唔想阿女比人睇蝕晒唔比我 post 咋...     我自己最常用就係餵奶，不論係用奶樽餵定埋身餵都好正，唔洗吓吓吊住隻手托住佢個頭，無咁容易患 "媽媽手"，膊頭都輕鬆好多。而且小 Boo 遺傳咗我咁怕熱，遍遍呢段時間我嘅體溫係比正常高少少，所以好多時小 Boo 會食到背脊出晒汗，好快就唔耐煩但又未夠飽而爆喊。有咗呢個  Petiten 軟墊喺中間隔一隔，我同佢都無咁熱，又唔會因為我抱得耐攰而令佢唔啱位食唔到。小 Boo 食奶速度快咗又吸少咗風，咁就無咁容易肚仔痛添。 好喇~ 輪到我地個專業 BB 小 Boo 試用比大家睇~~      除咗官方講嘅功能我最最最 buy 嘅就係招呼姨媽姑姊一流!! 好多時親戚、朋友黎睇 BB 就梗係想影返一張靚相留吓念咖啦! 但係唔係個個都有抱 BB 嘅經驗... 雖知道一個正值生存期嘅 BB 係唔會為咗你張相而擺個靚 post 就你，只要你抱得佢唔舒服扭計、爆喊乜都出齊，其實都真係幾掃慶。另外自己作為父母都會擔心佢地一手交一手嘅過程會唔會整到 BB。 以下係兩個生手男女同小 Boo 嘅合照，你可以從佢嘅面部表情睇得出有用同無用係差幾遠。         最後要講講如何清潔，由於本身佢嘅質地係膠，唔會好食水。間唔中只需要用濕布抹吓即可，我就懶到直接用水沖，好快吹乾，唔會有水跡亦唔痴塵，非常容易打理!!     - 韓國 Petiten 多功能軟墊嬰兒椅試用 - MamiBuy媽咪幫免費試用 - 產品名稱：韓國 Petiten 多功能軟墊嬰兒椅 - 哪裡買 : https://mamibuy.com.hk/shop/