26 APRIL 2016(TUE) 一踏入夏天，街市總係有好多冬瓜，見到啲冬瓜好似同我揮揮手咁，所以就決定買返斤嚟煲薏米豬骨冬瓜湯~ 夏天可能會比較少煲啲老火湯，不過冬瓜湯又真係唔可以缺少，今次我用左生熟薏米同冬瓜一齊煲，咁就可以消暑、清潤、去水腫同埋袪濕，啱晒依家天氣呀！ 簡簡單單幾樣材料就可以煲到靚湯，豬骨約$30、生熟薏米各三湯匙、冬瓜一斤、生薑兩至三塊~ 薏米洗淨並在水中泡一小時備用~ 清洗豬骨，氽水準用；冬瓜去瓤連皮厚切~ 煲內放約3L水，然後加入薑片~ 水滾後就可以將所有材料加入鍋內~ 待水再次滾起時，先繼續用大火煲約15分鐘，然後轉慢火加蓋煲1小時~ 最後加入少少鹽調味，可以開餐啦~ 啖湯其實真係好清甜，最好就係啲材料又係可以當一個餸，啱晒我...哈哈哈。材料簡單又有益，做法又唔複雜，整個過程都係個半鐘左右，就算平日忙忙地，抽少少時間就可以有靚湯飲，所以嚟緊夏天真係要煲多啲先得呀！   溫馨提示：由於材料都涉及藥材成分，所以係好因應個人體質，大家記得煲之前了解下自己，或者問下相熟中醫/藥材店職員，呢個湯料啱唔啱自己呀！   **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦