30 APRIL 2016(SAT) 小小豬今日又有新嘗試，就係嚟參加柏斯琴行嘅流行鼓班試堂，嚟個打鼓初體驗啦~ 收到柏斯琴行試堂嘅邀請，見可以有機會小小豬接觸其他嘅樂器，等佢試下邊樣有多啲興趣，咁我就可以從佢興趣繼續慢慢培養等(雖然佢依家學琴都學得唔錯)。 當知道可以有唔同課程選擇試堂後，我地就同小小豬傾過佢想去試學邊樣，最後佢就揀左「兒童流行鼓班」，所以今日就嚟同佢去上堂啦~ 一入到鼓房，雖然唔算太大，不過都好整齊，入面有一枱流行鼓及電子鼓~ 小小豬所學嘅就係流行鼓，所以就係用大嘅一枱。初級「兒童流行鼓班」每課堂都係30分鐘，導師先嚟好細心咁介紹每一層鼓嘅正確名稱，之後就都小小豬握鼓棍嘅手勢~ 係未正式開始學打鼓之前，導師先教小小豬一啲基本拍子。不過由於小小豬有鋼琴底，所以啲拍子都完全難唔到佢，就連導師都話佢快上手，拍子數得準呀~ 第一堂都係主要教以四個唔同嘅拍子去打三個鼓，小小豬都叫做可以做到，不過當有一個步驟打錯時，導師都會慢慢再講解，又再向小小豬示範，再同佢一齊合湊，等小小豬學到個技巧，真係好有耐性呢！ 話咁快小小豬就學晒第一堂導師所預備嘅課節，見有時間導師就俾小小豬自由發揮。雖然小小豬都係亂打多，不過導師都話小小豬打得唔錯，都可以跟到剛才所學嘅拍子嚟打，仲讚小小豬節奏感好好添~ 離開左鼓房，小小豬已經問我幾時可以再嚟，又話好鐘意打鼓(當然佢都話好鐘意彈琴)。不過初初接觸緊係話鐘意，所以都唔可以作準，所以我同DADDY傾過，如果暑假夾到時間，考慮俾小小豬先上暑期班先，到學多幾堂睇下佢係咪真心鐘意先決定係咪長學啦！   More information : Website：http://www.parsonsmusic.com/ Facebook：https://www.facebook.com/parsonsmusic/   **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦