28 APRIL 2016(THU) 其實我都係幾鐘意食日本嘢，尤其係刺生壽司，都令我食唔停口。好友話係美麗華開左間新派日式餐廳，佢話睇介紹都好似唔錯，所以就相約齊齊去感受下新潮日菜啦~ 餐廳環境都唔錯，坐得都好舒服哦~ 先嚟一杯清香玫瑰花茶，清清喉嚨先~ 韓式辣醬豬肉沙律 - 係日式餐廳可以食韓風食物，感覺又真係有點新奇。不過豬肉及豆腐加上韓式辣醬後，又的確醒胃很多，都幾特別哦~ 三文魚他他併柚子味噌 - 依碟我覺得食都係其次，因為佢嘅擺碟都非常吸引，未入口都已經感覺好期待啦~ 刺身七點 - 當晚飛機即日送到嘅七款刺身，真係可以話日日不同，我地今日係食左甜蝦、吞拿魚、帶子、三文魚、黃鯛、赤羽太、油甘魚，層層滋味兼全部都好新鮮，特別喜歡厚切嘅黃鯛及赤羽太，真係超級鮮甜，大愛呀~ 燒吞拿魚鮫 - 表面燒得香脆可口，魚肉嫩滑多汁，配上特別嘅柚子酸汁，好清新嘅感覺呀~ 沙椎魚天婦羅 - 由於係即叫即炸，所以送到枱上都仍然係熱辣辣，暖暖地食又真係特別香脆，唔洗點汁直接食都已經很好好味~ 大葉蝦膠天婦羅 - 用紫蘇葉包住啲蝦膠，外層炸得香脆，入口又好香紫蘇葉嘅味道，可以話係醒胃之選~ 蕃茄豬肉鱈魚片 - 半熟嘅蕃茄再加上豬肉粒，味道都唔錯，不過其亮點會落係那香脆嘅鱈魚片，脆脆地入口又唔錯，我地幾個朋友都當作薯片直接食呀..哈哈哈~ 嚟日式餐廳又點可以少得壽司，所以最後我地叫左兩款特色壽司吞拿魚他他燒芝麻醬及甜蝦山葵醬油漬，作為是日晚餐嘅終結~   **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦