29 APRIL 2016(FRI) 繼早幾個月我參加左奇幻三部曲之首部曲 - 中國神話開幕禮，極度滿足到我依個影相控之後，今次第二部曲我又可以再次得到香港3D奇幻世界邀請，又可以嚟瘋狂喪影，真係興奮到唔識形容呀(因為我真係好鐘意影相，尤其係啲可愛卡通人物呀)~ 其實我都想帶埋小小豬一齊嚟影，不過依排隻衰豬好似唔多鐘意影相，一見佢擺POSE都總係古靈精怪，避免佢玩得唔投入兼辛苦，所以都係相約好友陪我嚟。只要係影相控，兩個傻下傻下嘅大人嚟都一樣係可以玩/影得好興奮呀！ 上一次首部曲 - 中國神話(按此重溫)我都已經覺得好吸引，估唔到今次嘅西方童話更加吸引，或者都係Sanrio成員同西方童話夾啲啲，同埋最重要係.........今次有近期大熱嘅蛋黃哥，而且都出現次數唔少，好多可愛造型添呀~ 一入場就已經俾扮上青蛙王子嘅3D蛋黃哥吸引，真係勁可愛呀~ 另一個3D紅心皇后Kuromi，COOL COOL地又有另一個可愛味道~ 今次西方童話除左蛋黃哥之外，布甸狗絕對係另一個亮點，因為佢好多唔同造型，應該都係全場之冠，不過又真係好靚仔，好吸引呀~ 大熱嘅蛋黃哥當然就係我杯，唔好睇佢只係一粒蛋，原來都可以有好多造型，真係粒粒精彩，伶一個都好可愛，真係要俾個LIKE那位設計者，將簡單嘅一粒蛋都可以融入咁多變化~ 我頭號大愛嘅玉桂狗，今次都扮演左小紅帽呀~ 我自己就當然係最鐘意三隻小豬嘅造型，因為我家就係有三隻大中小豬嘛~ 另一我都好鐘意嘅場景就係以KIKI同LALA為主嘅糖果屋，見到咁見糖真係人都開心啲呀~ 其他Sanrio成員以《愛麗絲夢游仙境》、《綠野仙蹤》、《賣火柴的小女孩》等嘅造型都萌到呢...愛不措手呀~ 雖然依兩個畫就冇Sanrio成員，不過其實影出嚟都幾有效果呀.....哈哈哈~ 超興奮就影左差唔多兩個鐘，開心玩樂過鬆一鬆之後，就去接小小豬放學，扮返個乖媽媽努力工作了。 首部曲及二部曲就好啱我心水，唔知第三部曲以希臘神話故事造型嘅Sanrio朋友會扮成點呢？令我有點好心急添，到時一定要再去影呀....哈哈哈！ 再一次多謝香港3D奇幻世界，因為除左邀請我嚟玩之外，仲送左10張入場卷俾我，等我可以同朋友仔齊齊分享快樂，有興趣嘅朋友仔都快啲入嚟我地嘅FACEBOOK專頁(小小豬的成長日誌)，玩個小遊戲拎入場卷啦！   More Information : Website：http://www.hk3dm.com.hk/ Facebook：https://www.facebook.com/hk3dmuseum   **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦！