香港人就至鍾意食日本嘢㗎喇！見朋友去過鳥山名影番嚟啲相好正！我哋又去試下lu喂~~~ 鳥山名店舖位於荃灣愉景新城，玩具反斗城側，食飽行過隔離就可以玩玩具喇！幾方便~ XD 黑板上面寫上滿滿的店長推介，邊睇邊流口水 (可按圖放大) 等位期間，發現有個小小嘅兒童遊戲室。還掂等梗，不如入去玩下囉！ 不過要留意遵守規則喎！ 遊戲室提供一啲拼圖遊戲，啱晒鍾意玩puzzle嘅晴晴啦！ 牆上有圖教人摺紙，呢張教摺かに 蟹，又幾似喎！(可按圖放大) いぬ 狗仔 (可按圖放大) とり 雀仔 (可按圖放大) ふうせんうさざ 吹氣兔仔。好有趣！番屋企試試同晴朗玩下先~ (可按圖放大) 入到店內，見到吧枱附近放咗好多日本食材 日本空運抵港嘅蕃薯，好肥美呀！ 睇啲顏色同光澤就知道新鮮啦！ 陣間一定要order烏冬，試下佢哋啲稻庭烏冬係咪咁正先！ 話咁快我哋啲食物ready喇！急不及待想食，但係人未食，相機先食~ XD 壽司定食 - 壽司8件+沙律、前菜、蒸蛋、牛肉烏冬及甜品，賣相好正咁喎！ zoom埋啲等大家睇真啲~ 餐跟埋晴朗至愛嘅日式蒸蛋，影完即係快閃唔見咗啦！ 綠茶甜品，呢件糕好好味，不過可惜太細件喇！ 餐跟埋嘅牛肉烏冬，和牛肉質鮮嫩，生熟程度恰到好處！正呀！oshii~~ 海鮮七色丼定食 - 又名海七飯，刺生包括北海甜蝦、三文魚、藍鰭吞拿魚、油甘魚、鮮帶子、拖羅、馬糞海膽，呢個餐跟沙律、前菜、蒸蛋、味噌湯及甜品，勁吸引呀！ 已經急不及待想食喇！ 正正正！ 晴朗嘅麵包超人兒童餐都嚟埋喇！有吉列蝦、吉列牛肉薯餅、粟米粒併椰菜絲 細菌妹手打烏冬 腐皮船蟹籽沙律、啫喱糖、厚燒玉子 兒童餐有兩款，呢款就係晴朗點果個喇！(可按圖放大) 仲有一款Thomas兒童餐選擇㗎！(可按圖放大) 好豐富嘅一餐！食材新鮮，加上廚師手勢好，大滿足！餐廳職員幫忙影全家幅嘅時候好熱誠，充滿笑容咁話影得唔好再影過，感覺好好。食物質素高、Service好、上菜速度快，各方面都咁好，好難唔再嚟幫襯過喎！晴朗仲話下次要試埋thomas餐添呀！  鳥山名 Toriyamana  地址：荃灣青山公路398愉景新城1樓1025-1026號舖 電話：2343 8666