17 MAY 2016(TUE) 今日行AEON時，見到包三文魚骨厚肉得嚟又唔貴，所以就買一包返屋企，簡簡單單整個鹽燒三文魚骨食下啦~ 材料就只有三樣，三文魚骨1包、椒鹽及黑胡椒~   洗乾淨三文魚後用廚房紙抺乾水份~ 灑上小量椒鹽~ 之後就大量黑胡椒碎~ 記得三文魚骨兩面灑上椒鹽及黑胡椒碎，咁先會夠味呀。之後就醃最少15分鐘~ 用高架預熱光波爐200度，放入光波爐用高架光波15分鐘，之後反轉魚骨再光波約10分鐘(由於每份骨嘅厚薄不周，所以光波時間上都有少少分別，光波時可以留意魚骨轉金黃色就得啦)~ 即光即食就特別好味，有需要可以係食嘅時候灑少少檸檬汁調味~ 其實我都幾鐘意食燒三文魚骨，好多時去日本餐廳我都會ORDER一客俾自己食。不過隨住依家外出食依個餸就真係越來越唔抵食，所以都係自己整慳好多又足料好多...哈哈哈！     **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦！