QE的孕婦課程都是以Powerpoint形式同埋物理治療師親自做示範為主，起初我以為咁著數~可以有得親身學分娩球(Fit Ball/ Birth Ball)。首先，Part One係由助產士講一啲知識、技巧、簡單產前運動我地知嘅。  仲提醒準媽媽要養成良好飲水習慣，同埋做產前/後運動嘅重要性。  骨盆肌肉鬆弛的成因;   長期便秘 長期推舉重的物件 (即係抽重野) 長期咳嗽或打噴嚏 肥胖 更年期荷爾蒙失調  如果，骨盆肌肉鬆弛就有可能會…應力性失禁(即打個乞痴/咳都可能必左d尿出黎、大便失禁、子宮/大腸下垂會外露左出黎架…) 所以姑娘再三提醒準媽媽一定要做骨盆肌肉嘅運動，以保持骨盆肌肉的韌度，有助改善應力性失禁，減少喺咳/打乞痴/做運動時失禁。亦有助產後婦人之骨盆肌肉收緊，仲可以預防骨盆底下器官下垂，以及有助減少更年期缺乏女性荷爾蒙而引致的骨盆肌肉鬆弛。  講左咁耐，骨盆肌肉運動到底係點做架? <收緊及提高肛門，放鬆肛門(不是收緊股肌)> Part A   收緊肛門維持5-10秒 放鬆5-10秒 一路做一路要呼吸，千祈唔好閉氣去做 重覆收緊&放鬆運動10次      Part B 快速收緊放鬆肛門運動 ~ 5-10次  **兩組運動每日要做三次 準媽媽需要養成良好的飲水習慣，每日約飲6-8杯水(水量約1.5-2公升)，而呢6-8杯水係包括任何水、湯、奶及流質的飲品架~而且要有規律嘅，大約2-2.5小時飲一次。儘量避免一次過大量或少少咁水，並且減少飲刺激性嘅飲品(即: 茶、含有咖啡因的飲品)。另外就係，如困輕微的尿意，嘗試忍耐一下，延長時間。原因就係，唔好令到自己個尿囊Size愈來愈細，好容易急尿。  Part 2 就係由醫院嘅物理治療師負責講解有關分娩球(Fit Ball/ Birth Ball)以及一d產前&後運動。 冇錯, 又係產前&後。所以產前、後運動真係好重要呢~ 長話短說，我影左講座派嘅Booklet內頁俾大家睇~  另外，分娩球運動，我建議大家都係搵專業物理治療師指導下先練習，以免受傷呀~所以不多說了。