可以，咁究竟BB幾大可以開始食乳酪? 根據美國兒科學會的資料表示6個月大就可以了，而我就係最近9個多月先開始比Caydan Ramsey食的。 乳酪其實係牛奶的製品，乳酪所含的鈣係牛奶的6倍，乳酪中亦含有維生素，維生素的功效係可以幫助骨骼吸收鈣。乳酪中的鹼性物質可中和口腔內所產生的酸性，對預防齲齒亦有一定的功效。所以，如果嬰幼兒唔喜歡飲牛奶，可以試下比乳酪佢地食，都有一定的營養價值的。     不過當大家比給嬰幼兒食乳酪個陣呢都一定要小心注意份量，每日around 60g的乳酪其實就已經足夠嬰幼兒的營養需求了。但係乳酪都有佢唔好的一面，乳酪當中含有過高的膽固醇，眾所周知膽固醇係對身體健康唔好的，而且乳酪中的含鐵量其實係比較低，所以我自己就唔會每日比孖寶食乳酪。     有研究指出過多的乳酪可能會導致嬰幼兒比同齡的BB更肥胖，更加有可能導致體質比較差。大家都要小心留意呀~而我自己比Caydan Ramsey食乳酪有時係會mix 埋其實食物一齊食的，好像麵包、無奶食品或者牛油果等等。記住唔好將乳酪和同魚、肉、油以同埋其他含有脂肪的食物mix埋一齊比BB食呀。     我會揀不含添加糖份的乳酪比孖寶食，仲要係無防腐劑同其他人造色素或添加劑。今次就係揀左呢款註明係BB食用的乳酪來比Caydan Ramsey試食。   睇下Caydan Ramsey第一次食乳酪個樣。哈哈，兩兄弟一定心諗阿媽好酸呀，比D咩我食呀?            不過佢地之後都係好喜歡，一盒仔兩個share食哂的。   而食乳酪的份量要跟嬰幼兒年齡相符，唔同age的BB可以食乳酪份量都不一樣的。 以7-8個月大的BB黎講每日只可以食12-14g，到9-11個月大的時候，每天就食around 14g，而到左12-18個月大的時候，每天可以食around 14-17g。之後再慢慢增加至最多60g左右。我目前比孖寶食呢就係開呢d一小盒，兩兄弟share，佢地想食多就幾多，食唔哂就由得佢。不過佢地基本上都係會清哂，而我一星期只會比不多於兩次的乳酪他們食。 其實如果係比BB初試乳酪的，可以由少量開始，隨著BB年齡增慢慢咁增加份量。 荔枝孖媽提提你： - 盡量唔好比BB空肚食乳酪，因為如果空肚食乳酪可能引發胃酸倒流同其他食道疾病，令胃部直接受酸性刺激，隨時「酸上加酸」，削弱BB既腸胃機能。 - 乳酪係唔可以代替正餐既，只可以作為兩餐之間的小食。 - 可以選擇低脂、低糖的種類。我自己盡量就會揀原味的全脂乳酪，如果咁岩真係無最多都只係會買雲尼拿味，士多啤梨咪等。   其實大家亦都唔洗太擔心，乳酪含有益生菌，對腸胃健康係有益處。 雖然唔可以直接解決BB便秘的問題。 但係益生菌會活躍腸道，幫助消化﹐維持健康。 咁消化好左，對BB排便間接都有幫助啦。既可以改善腸道健康，又可以助提升免疫力。只要留意好份量就可以放心食用啦~ 我和孖寶的Facebook Page: 荔枝與孖寶  我和孖寶的 Instagram IG#: laichimama   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com