早前聽聞過觀塘有一個又靚又好玩嘅公園，想帶小朋友去玩好耐喇！趁住天陰陰唔太曬出動囉！ hey~ 話咁快就已經到達觀塘海濱花園喇！yeah~ 嘩！觀景亭起得好靚呀！ 晴朗你追我逐，上斜路、落樓梯，圍繞住整個涼亭跑咗幾個圈，咁又玩咗一餐~ XD 原來響涼亭上望到嘅風景咁靚，好舒服呀！ 咁啱比我見到有大隻佬跑步添！咳...咳....我哋focus番去美麗動人嘅風景先~ XDD 整個公園依着海邊而建，沿住海旁漫步享受陣陣清涼嘅海風吹來，好舒服呀！ 地方夠晒大，可以比小朋友不停跑不停跑不停跑.....仲可以欣賞一下花草樹木添~ 位於多用途廣場嘅建築物夠晒特別，據稱晚上亮起燈仲靚呀！ 行行下海濱長廊發現晴朗這相親相愛嘅一刻，不禁令晴朗媽媽有點兒老懷安慰啊！ 健身站提供唔同嘅運動設施 晴朗運用自己嘅方法去玩呢啲設施，係咪咁玩㗎？.... 嘩！好大片草地呀！如果陰天嚟呢度野餐一流~ 到達兒童遊樂場，小朋友梗興奮啦！呢個好玩，不過要靠大人幫手上下咁㩒、放、㩒、放.....嚟郁動 玩得巧開心唷~ (唔該晒路過的叔叔) 週邊設施都好好玩！ 呢條平衡木唔係咁簡單，企咗上去之後，會不停搖晃，想要去到終點就要考下膽量喇！ 轉轉櫈嘅設計好搞笑，坐咗上去會不停咁轉，真係會轉到你笑㗎！ 一齊嚟試下攀石啦！ 體驗一下打鼓樂~ 進入感官花園，呢個都算係好玩之最喇！ 不過需要大人幫手左右咁搖，搖...搖....搖.....搖到外婆橋~~~ 簡直玩到唔捨得走呀！ 搖下搖下嘅設施又點只一個丫！呢個都好受小朋友歡迎㗎！ 高矮肥瘦，玩哈哈鏡又笑咗一餐~ XD 氹氹轉，菊花園.... 試完坐氹氹轉，不如試下幫手轉啦！好玩呀！不過會唔會轉得太快嚇親坐梗果位小朋友呢？@.@ 仲有好多其他遊玩設施㗎！ 可供兩人一起搖嘅搖搖馬，過癮呀！ 一二三跳飛機~ 除咗數目字，仲有A-Z英文字 呢個....係咪咁玩㗎？ 仲有呢一組感官設施都好好坃 又嚟訓練一下大小肌肉先~~ 感官花園位於橋底，落雨都唔怕啦！ 觀塘海濱花園同一般嘅公園好唔同，加入咗好多一般公園冇嘅新元素落去，例如太陽能涼亭同埋感官花園，仲有好多唔常見嘅兒童遊樂設施。最欣賞係感官花園，啲設施除咗玩，仲可以吸引到小朋友探索視、聽、觸、本體及前庭等感官刺激，能夠促進小朋友感官肌能發展之餘，又好玩。一舉兩得！而且位於天橋底，就算落雨都唔會變落湯雞啦！  觀塘海濱花園  地址：九龍觀塘海濱道80號 電話：2346 8538 網址：http://www.lcsd.gov.hk/tc/parks/ktp