東京真係一個充滿驚喜既地方, 只要見到<限定>呢2個字就自自然然咁打開個銀包, 由於我今次東京trip住間酒店樓下就有Krispy Kreme, 一早去食個冬甩當早餐, 竟然比我見到夏日限定, 鮮果味冬甩, 限定口味主要係係檸檬味冬甩同西瓜味冬甩, 真係好可愛啊~ 見到咁多色彩檳粉既冬甩, 望到個人己經開心晒啦!!    當然除左限定版冬甩仲有好多其他選擇, 花多眼亂...我都唔知食邊隻好囉!!!    因為早餐我唔想食太甜, 西瓜口味係朱古力, 我都係睇下就算, 我揀左檸檬口味, 食落冬甩既面包部份好軟熟, 上面有d檸檬糖衣, 酸酸甜甜好好味, 全塊檸檬放係中間其實唔食得, 但賣相真係好吸引, 冬甩上放左塊檸檬有中和左冬甩本身d甜味, 我覺得好夾, 早餐食都唔會覺得太溜, 反而綠茶味我覺得一般...可以不提~哈    西瓜同檸檬夏日限定口味原來止到7月19日就無, 大家如果去開東京記得要試下啦! ^^   早餐食完冬甩梗係去摶殺shopping啦, 下午時間去左橫檳一個商場, 又有驚喜發現....Lindt專門店!! OMG....有軟雪糕啊, 可能我OUT, 但我真係未見過+未食過 Lindt朱古力軟雪糕, 朱古力控的我一定要食一定要食...一定要食啊!! ^^   專門店除左雪糕仲有chocolate drink, 店內主要係賣朱古力, 基本上大部份朱古力香港都無得賣, 有好多特別口味朱古力, 價錢唔算平但鬼叫香港無咩, 我都忍唔住買左幾包比自己同屋企人當手信呢。   軟雪糕899yen一杯, 有dark chocolate 同 milk chocolate 兩款, 有筒裝或杯裝選擇, 我揀左杯裝, 杯邊有d朱古力醬, 除左雪糕仲有2塊杏仁脆片, 雪糕好軟滑, 唔會太甜, 但我覺得佢個dark chocolate一d都唔dark, 朱古力味未算好濃郁, 但都好味既~ 加上我未試過點都應該試下既 ^^    門口有位可以比你慢慢坐底食雪糕, shopping行到攰, 坐係度慢慢嘆杯雪糕, 真係覺得特別爽 ^^   店內主要賣好多唔同口味朱古力, 例如海鹽, 咖啡, 橙味, 檸檬 同士多啤梨等等, 100g大約 1000yen, 即係大約$10蚊一粒, 唔係平但都可以接受既價錢, 我係香港都好鐘意食Lindt, 呢度有咁多口味點都要買反少少試下呢 ^^   www.facebook.com/1437ritaandhim 歡迎邀稿或產品試用，電郵聯絡: ppqq1437@yahoo.com.hk  其他BLOG分享包括: Instagram, Blogspot, Weshare, she.com, theZtyle, beautyexchange, ELLE.COM, Mamibuy, ClassesWePlay, style-tips, QOOZA, U Blog, iTrial, OpenRice