細個嗰陣, 覺得日日食飯好悶, 有時會扭計唔食, 下場係畀屋企長輩話「唔嗅米氣」…… 估唔到連呢樣嘢都有遺傳! 三姊弟 Keicy、Kassy 同 Par Par 會講返我細個講嘅對白, 同我細個一樣扭計唔食飯……   當氹同迫都冇乜用嘅時候（似我=.=）, 就要諗計令佢哋鍾意食飯, 始終小朋友需要食飯同其他澱粉質吸收營養, 唔可以偏食, 所以帶咗三姊弟去 PMQ 參加“米飯班「煮」” 活動, 令佢哋唔再抗拒食飯!   我哋喺呢個活動好開心、好雀躍咁一齊整咗一個「漢堡飯包」, 同一道甜品「朱古力飯杯」 好易就完成, 大家跟住以下步驟試吓啦!     「漢堡飯包」 材料: 芝士、番茄、菜、蘑菇 、肉餅、飯 Step 1 將放咗入雪櫃嘅熟飯, 好似整壽司咁, 倒出嚟放平 Tips: 飯雪耐啲, 硬淨啲, 效果更好   Step 2 用圓形器皿「給」出一個飯餅 (其實咩形狀都得, 隨你喜歡) ` Step 3 落少少油起鑊 將「給」好嘅飯餅, 同肉餅兩面煎一煎 Tips: 飯餅要煎燶少少, 令佢哋有啲顏色 ` Step 4 喺每塊煎好嘅肉上高, 放一塊芝士, 再拎入焗爐度焗 ` Step 5 將蘑菇切成細細嚿, 再炒熟 ` Step 6 砌漢堡: 煎好嘅飯餅 => 番茄 => 蘑菇 => 菜 => 焗好嘅肉+芝士 => 沙律醬 ` Tips: 可以加芥辣或茄汁, 加沙律醬係因為 Keicy 鍾意! ^^ ` Step 7 最後放上另一塊煎好嘅飯餅, 灑少少芝麻 ` 完成! ` 自己落手落腳整, 食得好開心! 嘻嘻! ` 「朱古力飯杯」 材料: 朱古力粉、柯華田粉、好立克粉、提子乾、肉桂粉 、朱古力豆、飯 ` Step 1 將飯倒落個煲度, 攪鬆佢 ` Step 2 加兩至三羹朱古力粉、柯華田粉、好立克粉 (或士多啤梨粉) ` Step 3 試味, 太甜要加返啲飯 ` Step 4 逐少慢慢加水, 攪勻 Tips: 注意水量, 先落少少, 太多水會變糊仔 ` Step 5 加提子乾、肉桂粉 (或花生) ` Step 6 筆起, 加朱古力豆 因為啲飯好熱, 朱古力攪兩攪就融咗 完成 ` 甜品一定係小朋友最愛, 尤其有朱古力! 而我自己就覺得, 佢咬落有啲似泰國芒果糯米飯嗰啲糯米飯, 好煙韌! 亦都有啲似 risotto (意大利飯), 只係變咗一道甜品.   下次喺屋企自己整, 我會加椰奶 除咗有啲泰國 feel 之餘, 更令呢道甜品有唔同口味! `   【驚喜】 自家製「懷舊牛肉粥」 雖然今次冇煮到, 但都想介紹畀大家, 因為好吸引! 食過嘅朋友話係細細個食嘅味道!   Step 1 先攞米粉去炸, 炸到碎哂   Step 2 將生牛肉剁爛   Step 3 煮滾啲粥 倒牛肉碎同炸咗嘅米粉碎落去 攪勻直至牛肉煮熟 完成     只要將見慣見熟嘅食材改變煮法, 就係全新 style! Keicy、Kassy 同 Par Par 都覺得好新鮮, 仲話「今晚要返屋企食飯」添! ^^ ` 三姊弟咁乖，我6月26日就帶哂你哋返去 PMQ ，一齊整「米」雪糕啦! 因為係免費嘅! 到時仲有其他免費體驗，順便睇埋暑期工作坊詳情. ^^   PMQ「夏日微旅程 --- 童行同感」現已接受報名： 報名方法 可於PMQ官方網址報名參加： http://www.pmq.org.hk/event/a-sensory-voyage-2016/   FB: KeicyKK