《BB尿疹濕疹救星》 我認識Sudocream係細個時見潮姑姐係英國帶返嚟香港俾潮嫲嫲用嘅。 呢個產品係英國出品，當地醫院，兒科醫生都推介俾初生BB用! 咁啱我地有個朋友見象仔出世就送咗一樽俾我地。 查實sudocream係專門治療BB尿布疹、 濕疹嘅藥膏，不過勁就勁在連大人皮膚問題，好似我嘅風癩，暗瘡，佢都能夠舒緩同治癒，而且不含類固醇! (話說我坐月時要餵人奶，全身出風癩，痕到死，我都係靠呢樽cream舒緩痛楚，因為唔敢食抗敏感藥同亂搽藥膏!) 打開樽蓋會聞到陣陣薰衣草味，隻藥膏係白色厚身cream狀，搽完吸收咗會係半透明嘅。Sudocrem仲有少少防水特質，搽完之後會形成一層保護膜，可以阻止wee wee同poo poo損壞BB幼嫩嘅肌膚，遠離紅屁股! 除咗BB尿布疹(Nappy Rash)，濕疹(Eczema)，Sudocrem仲可以治療皮外傷(Surface Wounds)，曬傷(Sunburn)，輕微灼傷(minor burns)，粉刺(acne)， 暗瘡，褥瘡，凍瘡等等…真係稱得上係萬用膏! 只要將雪白嘅sudocream薄薄地搽係需要嘅皮膚上，然後溫柔地以打小圈的形式按摩，直到半透明的一層，如果仲有白色就即係搽得太多啦，要按摩多一陣! P.S. 除咗英國，我見香港嘅莎莎同卓越都有售。