未夠一歲又出了幾隻牙仔既BB, 食野方面真係有點尷尬, 太硬或太濃味的不能吃, 但天天仍在餵粥仔軟飯真係幾悶, 其實小朋友不偏食的習慣是從小培養的. 以QB為例, 我會添加不同的蔬菜水果肉類給她, 即使有工人姐姐幫手, 我還是堅持3餐由我話事, 親自設計餐單. 所以未夠1歲人仔, 連苦瓜也能吃, 實在是一件很鼓舞的事. 至於QB最開心的, 一定是每日下午茶時間了, 茶點一般以麵包為主, 但我也會親手製作特色的茶點給QB, 再配以不同的水果或果泥, 再加少許奶, 十分豐富有益的一餐令BB吃得快樂又期待. 今次就做了2款簡單易做的茶點, QB超喜歡呢. 第一款是紫薯忌廉小蛋糕 材料 (8-10個) 麵粉 45g 雞蛋 1隻 黃糖 20g 牛油/橄欖油 20g 紫薯粉 5g 配方奶粉/母乳 25g 泡打粉 2g 裝飾用: 紫薯蒸熟壓成泥 1個 配方奶粉/母乳 適量 做法: 1 雞蛋, 奶, 糖混合一起, 攪勻; 牛油用熱水座溶或用微波爐叮20秒溶化 2. 紫薯粉和麵粉加入蛋液中拌勻 3., 最後加入牛油溶液混合. 4. 把麵糊倒入唧花袋中, 然後唧入蛋糕紙底托上. 5. 注入7成滿即可, 由於我是用V仔機做的, 不用調較温度. 如用家用焗爐就以180度焗10分鐘至全熟即可. 6. 焗好蛋糕後, 再按喜好在面層唧上新鮮紫薯蓉即可. 加上星星餅做裝飾, 十分可愛的紫薯忌廉小蛋糕完成, BB見到一定好開心追住食. 第二款簡易小食就是芒果提子乳酪杯~ 材料: 嬰兒乳酪 1杯 鮮芒果 半個 提子乾 少許 麵包粒/蛋糕粒 少許 星星餅, 乳酪溶豆 少許 把全部材料一層一層混合即可. 超級易做, 但賣相好鮮艷, 小朋友現在最喜歡colourful既食物和新鮮感, 而且可按喜好加上嬰兒麥皮或脆脆米, 或用其他水果也可以. 聯絡產品試用和活動: email: sherice_hy@yahoo.com.hk Facebook page: www.facebook.com/MinibubbleCorner ❤Blogspot❤ ❤The Ztyle❤ ❤She.com❤ ❤weshare❤ ❤Qooza❤ ❤iTrial❤ ❤Elle Blog❤ ❤ My Cossip❤ ❤UBeauty❤ ❤Pixnet❤ ❤Beauty Exchange❤ ❤Salad❤ ❤Beauty Life❤ ❤Esdlife❤ ❤OpenRice❤ ❤博勢力❤ ❤Chiba78❤ ❤mamibuy ❤