一年一度書展又黎啦... 自彤彤出生左之後都冇去, 唔係要湊B, 就係返工... 跟住就妹妹出生, 之後就細細... 真係咩時間都冇晒... 今年媽媽我終於又可以重歸書展啦!! 當然梗係要同我既 book fair buddy 契媽啦!!! 以往我地年年都孖住一起去架!!! 我地係書展既最強組合呀! !!! 呢一次重加埋新成員彤彤呀!! 一早已經同佢講明會多人, 會迫.. 如果唔合作有投訴就下次唔同佢去架啦... HAHAHA 今次係彤彤第一次去書展... 希望借呢次書展可以提起佢既閱讀興趣!! 我地一到步就去左兒童館先...  真係有好多好多唔同既出版社...  不過我地既時間唔多, 只係行左一兩檔咋...  係新雅呢個counter 留得最耐...  足足成2個小時...  之後媽媽要拎住呢D書再繼續行...  契媽係呢個COUNTER 都大有收穫呀!!! 重有好多好多其他既出版社,  我地今次冇咁多時間行呀!!! 呀... 呢個樂思COUNTER,  彤學學校都係用既佢地既補充練習架...  所以呢個COUNTER 好多好多補充練習賣呀!!!   本來想行埋木棉樹, 同埋小樹苗既COUNTER,  不過... 我怕又會買野呀..  真係拎唔到咁多...  後悔婆婆叫我地拎拖車我地唔拎..  雖然唔係買左好多..  不過書係重架...  Anyway, 行完3樓, 就到我同契媽去睇1樓啦..  呢樹係好多大型出樓社...  童書都有.. 不過冇3樓咁齊姐...  商務印, 大眾, 明報, 天地, PAGE ONE等...  我地都係行幾間大架...    今年TVB都有COUNTER 呀..  重係要賣粗口書呀!!!   契媽做足功課...  佢既目標係買呢本呀!! 我就真係唔夠膽睇啦!!   其實係一套2本架..  不過另外果本一早賣晒啦!!! (下...咁快. 第二日咋)  每次去書展,  我同契媽必定會去PAGE ONE 或者 METRO 既COUNTER 睇呢本書架...  " THE BOOK OF ANSWERS"  呢本書真係好正架...  問佢咩都答到你架..  我地介紹左比彤彤玩!!! 佢不停問, 不停問.. 哈哈, 答既野都係一樣架!!! 所以佢自己都有D SURPRISE.. 玩左好多次!!! 重想買番屋企.. 不過.. 當然唔買啦.. 到時經過書入去問下味得囉!!! 最後想講一講. 其實幾年冇去書展真係變化好大..  因為多左賣補充練習既COUNTER..  以為只係兒童部有...  原來1樓都有呀!! 係比中學生考DSE架....  不過又真係有人買架喎...   重有既就係書展真係小左人去..  平時我地行左入一個COUNTER, 真係出唔返黎,  而且係睇唔到咩書架...  只係沖入去買左自己想買既野就走啦!!! 係味真係小左人睇書呢???    講番我地今次既收穫..  雖然唔係買左好多 不過都好豐富啦...  買左好多都係童書... 好多都係彤彤選架...  比佢選係想彤彤睇多D書..  希望佢養...  媽媽最愛就係呢兩本...  係講香港惜日既商店架..  好多都冇左啦..  呢D係要比小朋友知架..  Part of the Hong Kong History!!! 不過.. 重未有時間開黎同C&C 玩..  睇左之後同大家分享下啦!! 而媽媽我只係買左本旅遊書比自己咋..    見到其他朋友仔既仔女睇既都係好厚既小說..  所以, 希望值住今次既書展,  所有書都係彤彤自己 PICK架..  希望可以提起佢既睇書既HABIT啦!! ------------------------------------ 大家可以 like埋我地 facebook page 咁就可以緊貼我地架!!  https://www.facebook.com/pages/CCML/541687029256695   CCML BLOG 都會出現係呢幾個地方: http://ccmlfamily.blogspot.hk/ http://weshare.hk/piyobaby http://www.mybb.com.hk/home.php?mod=space&uid=10582&do=blog&view=me