依家要揾好食既章魚小丸子實在太太太困難啦, 而且價錢仲好貴添. 諗諗下如果可以自家做, 咪幾時想食都可以. 日本部Bruno機又未咁快有得賣, 試過V仔cup cake模整都係麻麻地(唔夠圓同勁大粒), 還是原始最好- 用小丸子模. 邊度買? 梗係偉大的淘寶啦, 幾十蚊有交易, 放上明火燒都得, 好方便, 整出黎夠晒圓碌碌, 好可愛.   ​ 材料其實好簡單, 基本上日式超市如Aeon都買到小丸子粉, 燒汁, 木魚碎和紫菜碎. 我起初找不到小丸子粉, 用了家中的燒餅粉, 成品硬少少, 後來找到了, 真的軟熟好多, 很有在日本吃的風味. 至於紫菜, 可用碎片的, 後來發覺用紫菜粉賣相精緻一點. 配料還有八爪魚粒粒, 買了刺身的, 但薄片口感差D, 之後在Aeon見到有原粒切好的, 十分合心意 還有就是椰菜絲和沙律醬.  ​ 工具方面呢, 最好有丸子針, 這是買模送的, 沒有的話用叉都可以. 另外要的就昰油掃.  ​ 粉漿方面, 只要跟據丸子粉背面的指示份量就可以了. 以下的份量給大家參巧 小丸子粉 : 100g 蛋: 1隻 水 : 350cc 八爪魚: 適量 椰菜絲: 少許 醬汁: 日式燒汁, 沙律醬, 木魚碎, 紫菜碎 (按喜好添加)  ​ 做法:  1. 粉漿先用水開至沒有粉粒, 加入蛋攪勻. 然後倒入高身的樽內, 方便倒入模中 ​ 2. 椰菜絲和八爪魚切好 ​ 3. 燒熱小丸子模, 掃上油  ​  4. 倒入粉醬待成形, 放入一粒八爪魚和少許椰菜絲 ​ 5. 把粉團半翻起, 再倒下粉漿至整個模裝滿, 等1-2分鐘成形 ​​ 6. 刮起粉漿塞入模格內形成圓形, 然後逐粒滾圓至成小丸子形態, 其間再掃多次油防黏底. (這步驟要做幾次, 滾得越圓越好) ​ 7. 最後加上日式丸子燒汁, 沙律醬, 木魚碎和紫菜碎即可趁熱食.  ​ 味道跟街外賣的基本上沒兩樣, 製作也沒有什麼技巧, 只要耐性把多餘粉團塞進丸子模內定形, 若然不夠圓可加粉漿再滾圓, 滾多幾次就會變得十分圓潤, 似模似樣的了.  ​ 聯絡產品試用和活動: email: sherice_hy@yahoo.com.hk  Facebook page: www.facebook.com/MinibubbleCorner   ❤Blogspot❤ ❤The Ztyle❤ ❤She.com❤ ❤weshare❤ ❤Qooza❤ ❤iTrial❤ ❤Elle Blog❤ ❤ My Cossip❤ ❤UBeauty❤ ❤Pixnet❤ ❤Beauty Exchange❤ ❤Salad❤ ❤Beauty Life❤ ❤Esdlife❤ ❤OpenRice❤ ❤博勢力❤ ❤Chiba78❤ ❤mamibuy ❤