繪畫能夠發揮小朋友嘅無限創意，朗朗未學畫畫之前已經成日問我攞白紙畫嘢。自從跟咗Miss私人教導之後，畫嘅嘢已經唔再係火柴人或者抽象畫喇！ 通常果期興咩，小朋友就想畫啲咩！朗朗同Miss講想畫《飛機總動員II》嘅將軍。好啦！起稿先啦！ 跟住老師嘅指導，畫好咗個outline喇！ 將軍係一部中型雙發直升機，睇唔睇得出呢？XD 睇唔出唔緊要，上番啲顏色就開始似㗎喇！ Wow~ ho~~ 大功告成！小朋友嘅畫作真係好可愛呀！ 有一堂，朗朗突然想畫「我的家庭」，就請老師教佢畫喇！好緊張呀！今次有我份㗎！XDD 起好咗稿，我睇到有4個人仔響幅畫度喇！ 跟住就可以填色，唔知朗朗會唔會填媽媽至愛嘅粉紅色比我呢？ 在旁睇住小朋友畫畫其實都係一種樂趣嚟！不過唔好比咁多意見，靜靜哋，等小朋友可以盡量發揮佢哋無窮嘅想像力~ ^o^ 幫啲面仔、手仔、腳仔填梗肉色喇！ 填埋背景顏色就差不多 嘩！完成喇！我好鍾意呀！ 一直在旁望住小朋友畫畫時認真嘅樣子，感覺有一點點老懷安慰。好欣賞朗朗為「我的家庭」呢幅作品所付出嘅心機。佢認為媽媽同妹妹係女孩子，所以要著裙，亦要畫眼鏡比媽媽同爸爸戴。其實媽媽響屋企先會戴眼鏡，唔戴眼鏡好似靚啲喎！唔係咩？畫中仲有我喜歡嘅彩虹，實在太窩心喇！繪畫除咗可以培養小朋友嘅想像力之外，仲可以提升記憶力同觀察力添呀！ 上課時，我留意到填背景顏色係反轉在背面填，詢問老師原因後，原來將宣紙反轉填上背景顏色可以令正面所繪畫嘅物件更清晰，層次更分明。私人上門教授，老師就更能夠專注小朋友嘅進度同培育個人發展啦！朗朗經常提起Miss，似乎已經唔只係老師同學生嘅關係，仲做埋好朋友添喇！ 老師資歷： - 香港青少年科技創新大賽 (科學幻想畫 2015-2016) - 艾斯爾國際文化交流(香港) ICEHK 2013-2015 - Asia Art Genuis Education Centre 2014-2015 - '星星河'全國少年兒童美術書法攝影大賽 2013-2015 - 少兒國際文藝交流巡迴比賽 2013-2014 - 徐悲鴻繪畫比賽 2014 - '星島' 全港兒童繪畫分齡比賽 2013-2015 - 艾斯爾國際文化交流(香港) 獲得指導老師獎項 2015   Ms Winky私人教室 Facebook：https://www.facebook.com/-Ms-Winky-私人教室--1321352017880537