很早以前已經寫了, 但呢到無放過, 同大家分享下 又漫又長的10+1 星期產假加年假始終要完結, 真的十萬個不捨得去返工, 但唔返工少了一份收入, 對我們家係不可能, 只好乖乖的面對現實, 返佐工都一星期有多, 基本上所有野已經重回軌道 一樣的唔夠訓, 一樣的做人奶媽 第二胎人奶媽之路易行好多, 細佬出世後係醫院埋身餵, 因為無得選擇泵出黎, 細佬出世後48小時, 我地已經可以出院返屋企, 細佬唔係好幫到口, 食完仲係好谷, 返到去第一時間泵泵泵, 還是覺得泵最好 回家第一泵   如事者, 我再做泵媽, 我再一次唔相信要埋身食先有奶同夠食 好怕自己唔夠貨, 走去追奶, 2個幾鐘已經谷到要泵 係追到, 一次泵300ML出黎, 換來我塞到發冷, 發燒    結果我要去健康院搵母乳姑娘幫手, 見醫生, 開佐抗生素, 止痛葯同消痰葯比我 教我點搵細佬幫口, 調節去泵奶, 2個幾鐘谷奶已經解決, 但我奶量都算多, 所以要小心去處理 問題解決後, 每日泵5次, 每次有210ML 以上, 細佬食唔晒, 用黎沖埋涼, 滑一滑佢 好啦. 到我準備返工, 冰格已一早打爆 正常格都放滿過期奶 已經比佐朋友整甩皂 成品都收了, 但要等到12月先可以用, 多謝晒朋友的心意 各位泵媽努力呀, 小姐我都泵住餵到一歲呀! 有興趣可以睇返我好早前的 有感而發 - 奶媽生活的一年 (全是個人見解, 認同與否, 請不要爭論其中的不是) ... E-mail: babytiggerbuzz@gmail.com Facebook: https://www.facebook.com/wongaretha MyBB Blog: http://www.mybb.com.hk/?fromuser=buzzqoo She Blog: http://blog.she.com/buzzqoo/