在職媽媽終有一日放完產假要返工, 香港的制度好奇怪, 媽媽們辛辛苦苦陀了9個月, 生完後只得大約8-9星期去回復就要返工, 以前年代放前4後6, 那些媽媽們真的RECOVER了嗎? 其他國家產期都比我地長, 就連最談不上人道的強國都比我們長 唉......算了, 面對現實吧!!!!! 講返上班安排先, 由於並唔係第一胎,  所以已經可以輕鬆咁去安排返工後係公司泵奶 基本上每日我會泵5次, 第一次朝早5點幾6點一起身時 第二轉返到公司食完早餐做少少野, 大約10點半 第三轉, 食完LUNCH 有少少睡意時間, 大約2點半 第四次, 放工返到屋企, 6點至7點, 睇返夾唔夾到細佬食奶時間 第五次, 11點泵埋LAST 一次, 洗埋晒D 野可以瞓覺 第一次泵, 朝早個次因為相隔時間較長, 相對奶量都會多, 本人最高紀錄, 3支200ML, 足夠晒細佬係我返工時個3餐 第二轉同第三轉泵, 每次大約9至12安, 多過9安的, 我都會倒, 因為奶袋入唔晒 第四次回家, 泵到8安滿樽停, 唔想開多個樽要洗 第五次臨瞓, 有時9安, 但有時泵7安比細佬之餘, 仲泵到5安比家姐食, 要睇放工返到屋企個轉泵幾多同有無泵 好彩係我公司都支持媽媽們餵哺母乳,  上胎時就用一個DISABLE TOILET 改裝, 大裝修後, 專門提供一間房給媽媽們使用 有洗手盆同小雪櫃 位有2個, 可以比2位媽媽同時使用, 仲有埋插頭插電泵 由於間NURSING ROOM 唔係我坐個層, 我唔想走上走落, 有時會係返自己坐個層MEETING ROOM, 或者影印房內的房泵, 15至20分鐘完成 講到用品, 上胎買佐一部機專放公司, 原本想係掛泵後放售, 但一路都賣唔出, 而家到細佬時又攞返出黎再用, 起初我都每日將套PARTS 羅黎羅去, 後來我買多一套放係公司, 放工只係要羅冰袋同冰種 為避免監介(雖然我坐個層大部份係女性), 我用布袋裝住D 奶放雪櫃   媽媽們會問咁唔駛消毒咩? 我係FB 網路見到媽媽們話AEON 呢個盒抵買, 陀住時已經去買佐, 個時價格係50蚊, 點知過多2星期已經跌到20蚊 =__= 呢個盒好方便, 只要加50ML 水, 放入微波爐叮佢3分鐘, 已經STEAM 完畢 咁樣每日要帶走的只有當日係公司泵的媽媽奶 好多時返工因為壓力大及公司未能配合而奶量降, 希望各媽媽加油, 信念係做到幾多就幾多, 唔好比壓力自己吧! 記住我們都是吃奶粉大的!!!!! ===================================== >>> Mamibuy 11月主題：在職媽媽的育兒百科 <<< =====================================  看更多： 【在職媽媽】台灣媽媽分享：職場母乳實戰 ( 工具篇 ) 簡易辦公室增乳飲料分享 在職媽媽不好當：育兒路上的心酸 ===================================== E-mail: babytiggerbuzz@gmail.com Facebook: https://www.facebook.com/wongaretha MyBB Blog: http://www.mybb.com.hk/?fromuser=buzzqoo She Blog: http://blog.she.com/buzzqoo/