雖然最近開始有啲秋意, 但天氣仍然好熱, 為咗可以令三姊弟嘅暑假有個 happy ending, 我帶咗佢哋去氹仔嘅金沙城Sheraton酒店, 見功夫熊貓 + 一班老友記. 呢次兩日一夜之旅勁開心, Keicy、Kassy 同 Par Par 都話唔捨得返香港 (喂! 要返學呀!), 想繼續玩落去! (我都想 =.=) 我哋嘅兩日一夜之旅, 係咁樣樣嘅: ` DAY 1 未出發先興奮嘅 Par Par   驚喜Check in 到達酒店, 入住「夢工場主題家庭套房」 主人房又大又靚唔使多介紹, 另一邊嘅小朋友房，周圍都有功夫熊貓裝飾，仲有小朋友鍾意嘅碌架床，三姊弟即刻勁興奮, 爭邊個瞓上格，邊個瞓下格，真係估佢哋唔到! 小朋友房嘅洗手間都係功夫熊貓! 仲可以着靚靚浴袍! 預告: 我哋下晝會去呢度呀!   Yummy Lunch 跟住去咗 Bene (班妮) 意大利餐廳食嘢   菜式多, 又好味道! 見到佢哋嘅總廚, 當然要合照啦! 呢個意大利粉好特別, 亦係佢哋好出名嘅菜式. 下面成嚿係真芝士, 將熱辣辣嘅意粉放上高, 啲芝士即場融化, 所以芝士味好濃郁! 喺香港, 呢道菜式一般都係就咁上碟, 但係 Bene 就將意粉就咁放喺芝士上面, 下次再嚟一定要再食, 嘻嘻! ` 飯後散步 唔使出外面畀太陽乾煎, 留喺室內商場範圍, 有好多影相位. 我係功夫熊貓! ` 扮得似唔似? :) Yeah! 最正經呢張!   放電之選: 功夫熊貓學堂 食完嘢, 散完步, 我哋齊齊去功夫熊貓學堂玩遊戲 ` 三姊弟都好期待嚟呢度玩 ` 時間 + 價錢 嚟呢度玩嘅每位小朋友, 都有重要任務! ` 未開始學功夫前, 小朋友先分開兩隊, 為功夫熊貓油顏色. Kassy 好有創意, 將熊貓變成七彩! 完成之後, 可以用 apps 將小朋友創作嘅熊貓, 以 3D 呈現喺螢幕, 仲可以隨意轉動, 夠晒特別!   Level 1: 英雄臉譜 學功夫之前，Keicy、Kassy 同 Par Par 都要化身成為小熊貓，創作自己專屬面譜. 黐緊黑眼圈^^ 搞掂! 我靚唔靚? ^^   Level 2: 智破三關 呢關有 3 個難度: 容易、一般、困難. 小朋友可以根據自己嘅能力去試, 將砌好拼圖，不斷挑戰自己，呢啲咪就係學武精神囉! 三姊弟完成任務之後, 好有成功感! ` Level 3: 智闖敵陣 大人都要落場玩埋一份呀! 小朋友嘅任務, 係要運用佢地嘅智慧 + 靈活嘅身手, 救我哋一班畀人捉咗嘅家長, 結果係點? 梗係三姊弟成功拯救我啦! ^^ 唔好掂到啲瑯瑯呀 Par Par! 之後掉返轉, 小朋友被困, 家長要出盡洪荒之力, 拯救佢地! ` Level 4: 百發百中 三姊弟要同其他小朋友合作, 用饅頭做武器，打敗曾經稱霸武林嘅翡翠僵屍!   Level 5: 集氣大成 最後, 小朋友聯同一班家長齊齊揼腳, 釋放能量, 制止敵人嘅邪惡計劃! ` 成功學滿師, 可以下山喇! 三姊弟即刻換衫, 影張靚相先!   可愛巡遊 玩完一輪, 放吓電, 好開心，係時候做啲靜態嘅活動: 睇每日 4:00 舉行嘅巡遊. 三姊弟聽到音樂, 就跟住拍子跳舞. 我哋見到史力加唱歌跳舞, 仲有功夫熊貓出現呀! 巡遊好好睇, 好可愛, Keicy、Kassy 同 Par Par 都話未睇夠呀!   Buffet Dinner 夜晚去咗酒店裡面嘅 feast (盛宴) 食自助餐. 食 buffet 最開心就係多食物揀! 海鮮有長腳蟹、蝦、蜆同生蠔等等. 當然唔少得有葡國菜式啦! 仲有多款甜品, Häagen–Dazs 雪糕, 又有雪條, 三姊弟都好開心! 驚喜嘅係, 有位女士即場扭波仔, 仲係好多好特別嘅形狀! Keicy、Kassy 同 Par Par 一見到就話想要喇! ` 當小朋友沖涼瞓覺後… 媽媽可以靜落嚟, 浸返個泡泡浴^^   DAY 2 「功夫熊貓之舞林盛宴」早餐 第二朝一早, 同一班功夫熊貓 character 一齊食早餐 現場當然唔少得以功夫熊貓為主題嘅食物，例如功夫熊貓麵、熊貓包，超可愛! 本來我哋仲未醒晒, 渾渾噩噩，好唔精神, 但當表演開始, 場面好熱鬧! 我哋即刻精神晒! 好興奮! 一眾 character 仲走晒出嚟, 逐一同每檯食客影相, 三姊弟 (加埋我) 當然有把握機會集郵啦! ^^ ` 自由活動 仲有少少時間先返香港, 我當然把握機會, 喺商場行吓街啦! 中午嘅時候，三姊弟問: 「Panda仲會唔會出嚟?」 好明顥, 前一日嘅巡遊, 同朝早嘅「功夫熊貓之舞林盛宴」早餐, 令佢哋印象好深刻, 所以成日仍住食食吓飯, 行行吓街, 會有卡通公仔走出嚟. XD   雖然好唔捨得, 但係旅程始終有完結嘅時候, 唯有同Keicy、Kassy 、Par Par 講: 「你哋乖乖哋, 下次媽媽再帶你哋嚟金沙城Sheraton酒店玩啦. 」   補充資料: 1) 澳門喜來登大酒店舉辦的「功夫熊貓學堂」宣布延長「功夫熊貓學堂」的亞洲區訓練課程至明年2月5日. 2) 「功夫熊貓學堂」最新時間表 - 由2016年9月10日起, 「功夫熊貓學堂」將在每個周末上午11時30分至下午1時舉行. 同時, 亦會在2017年的十．一國慶黃金周、聖誕及農曆新年期間特定日子開放, 並加開至兩節, 培育更多小小功夫大師! 3) 詳細開放日期及時間表請參閱官方網頁.   FB: KeicyKK