呢排好似四周圍都搞緊開倉咁，今次孖媽我就去左Toonsland 一折開倉。其實佢地成日都有開倉的，一年可能都有幾次，我上年大肚時都已經去掃過2次他們的開倉，當時買左好多新生嬰兒的家居衫仔比Caydan Ramsey。     今次呢，見佢地有Stride Rite 的BB鞋仔賣，所以一早已經鎖定左Target係想去買呢個brand的鞋，當時第一次係8月底去的，都只係剩返小量細size Stride Rite 的BB鞋仔。我就入手左呢3對。HK$100一對，比起門市HK$4XX蚊一對平左好多啦~   不過當日係lunch時間去，真係超級多人，我好快手咁只係買左呢3呢鞋就走人了。如果時間許可，各位媽咪都可以考慮唔好放工/Lunch時間去呀，真係好逼人。 場內有開倉價折後的表，比大家即時對應返係幾$    之後呢我9月初再去第2次時個陣，就已經無哂Stride Rite的鞋，咁我就轉睇下d 冬天褸款啦。   呢D型仔絨褸款，around HK$100左右一件，不過我自己就普普通通喜歡因為絨褸比較重身。大人都唔鍾意著住件咁重身的褸啦，何況要BB著住比較重既衫。我自己係咁諗......   普通棉褸款，around HK$100左右     而呢D Thomas/Bob/芝麻街的羽絨褸款，around HK$150左右，真心覺得好抵。因為自己都想買羽絨比孖寶，因為喜歡比較輕身。   而奶奶亦有提過買羽絨背心比孖寶好。不過呢，就好似唔多覺有羽絨背心反而普通棉背心就有，呢d 款around HK$60-70一件左右, 都算OK既!      都有見到D女仔款都幾靚!    至於第2次去，無哂Stride Ride只係得返圖中呢d鞋款，就真係唔係太吸引啦!       分享返第2次去的戰利品啦，入手左2件羽絨，2件背心，2件針織Jacket，仲有d 長袖出街衫HK$30-40蚊一件左右。d 收銀姐姐好奇咁問點解類似款全部都要買2件! 孖媽ma，當然係要公平公正啦，嘩哈哈, 兩個都有份~     而第3次去呢其實都係想睇下會唔會返左Stride Rite 大size的鞋，想有平買定2對比孖寶。不過都係無。見佢有2件Benetton 的2Years old褸仔好似幾靚，就得呢2件，所以就入手買定啦，唔知可唔可以著到2年呢，比$時，店員又好心提醒我同款2件呀….哈哈!   開倉仲有d抵既就係呢d家居服，HK$30-40左右一件。     我都買左D比孖寶同我的Nephew Daniel BB。   其實開倉係比較多貨放埋哂一齊，大家要有耐心慢慢揀返咁自己的野出來。唔好因為平而咩都買。如果唔係其實又係會製造左另一種浪費。   而佢間唔中都會refill d ’’新’’貨，好似今次第3次去就多左d gift set。     我自己既習慣係會先行一個圈，知道大概有咩d再去專攻自已想要買既。如果有時間/耐心的，相信都會買到d又平又岩心水既野喲! 仲有提提大家，佢地只係收現金呀~       Toonsland 童裝及嬰兒服飾開倉 日期：即日至9月26日（一） 時間：10:30am – 7:30pm （星期日及公眾假期休息） 地址：荔枝角青山道489-491號香港工業中心A座8樓2室（荔枝角地鐵站C出口）   我和孖寶的Facebook Page: 荔枝與孖寶  我和孖寶的 Instagram IG#: laichimama MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com