一不離二, 突然又有嘢搵我試用, 唔通好運飄緊埋嚟??!! 明明禮拜二中秋金多寶無中O架喎 今次試嘅係Michel Mercier 魔髮梳 小童裝 (薄髮), 話說蘇菲成1歲半人仔都無一把正正經經嘅梳, 只係每朝都偷用我把梳, 難得有樣啱用嘅嘢唔駛買梗係仆到嚟試啦~~ 一開咗個盒就拎上手試, 好似好認真咁款, 唔拮手, 呢個MM魔髮梳標榜唔會扯甩頭髮, 越梳會越順, 仲好貼服喎, 等我哋嘅試用專員蘇菲試試先 由於專員梳梳吓頭突然電話癮到, 所以變咗咁唯有大媽幫手試真D啦, 本身頭髮算薄, 不過自從生咗蘇菲之後就梳親頭都甩同斷好多頭髮, 諗住小童梳未必啱用, 點知都 完全1條都無甩就呃你嘅, 幾條仔啦, 無扯到痛, 頭髮亦順咗, 至於會唔會更貼服就要試多幾日嘞, 暫時效果算滿意~~ 呢款梳好似仲有分大人, 中童, 小童, 輕便裝, 不過我覺得小童呢個size好D, 唔會太阻掟 以下有張相係我用平時把梳嚟梳完第2次頭嘅結果, 無吹水, 堅甩頭髮, 第一轉梳完"蚊"走咗堆頭髮至記得未影相, 但係都睇到真係超核突圖, 唔想睇就睇到呢度skip算啦~~