假期想去玩，但係遇著落雨天，點算好呀？唔駛怕！搵間多嘢玩嘅playhouse又可以玩上大半天囉！今次我哋嚟到D・Park嘅E3 Club，一齊入去大玩特玩囉！~~~ 去到門口梗係要登記入場先啦！原來入會成為會員，就可以優惠價入場。我哋申請一張會員咭($10)，同行6人都受惠呀！ 入到去，晴朗已經被donut區域所吸引，去玩囉！~~ 搬呀！坐呀！推呀！總之要將啲donut, cake...等食物cushion大倒亂。好大嘅體力勞動，放電一流！ 再鑽入去探索一下先~ 好大部警車，有突發事件，需要出動喇！gogogo~ 新紥師姐負責揸車，但係其實妳有冇牌㗎？XD 發生咩事呀？好似大地震後一片頹垣敗瓦咁嘅？@.@ 小朋友創意無限，好快手就可以將災區重建好喇！hohoo~ 除咗房屋之外，仲要起橋添！ 過河要小心，唔好叉錯腳跌落水呀！ 砌多幾件踏腳石，實行向難度挑戰~ 小型瀡滑梯，啱晒細啲嘅朋友仔玩啦！ 一齊堆晒上架火車，會唔會太過擁擠呢？@@''' 男孩子多愛打機，出得嚟玩，就任你打啦！~.~ 場內都有幾多影相區喎！ 仲有晴晴喜歡嘅pony馬馬呀！ 小朋友覺得好新奇有趣，因為踏上去嘅位置會着燈㗎！ 女孩子多愛扮靚，執番齊啲眼耳口鼻先~ XD 身為bb嘅媽媽，當然要照顧好bb啦！^^ 彩色大滾筒都好受小朋友歡迎~ 碌嚟碌去好好玩呀！ 車車都有好多選擇喎！ 大個啲玩呢款啦！ 細個啲就啱呢款~ 再細啲亦可選擇呢款~ 嘩！呢㗎會唔會重型咗啲呢？@.@ 小朋友至愛嘅波波池區呀！ 上去囉！上去囉！ 原來有幾個大窗口可以望番出面嘅環境~ 媽媽陪我玩呢幾塊智力遊戲板丫！ 好好好！反而呢啲板冇咩人玩，可以慢慢玩喇！ 考考智力！點樣可以將啲蘋果放番晒去樹上呢？ 呢款拼對遊戲我哋都玩咗好耐呀！終於對番晒所有動物出嚟！可以考下記憶，又好有滿足感~ 通過隧道就可以瀡落去波波池喇！We~~ 波波池啲波顏色好靚呀！粉色系~ 女孩子一定鍾意啦！ 另一邊放置咗一啲小玩具，都幾啱細個啲嘅小朋友玩喎！ 逐樣機關試下先~ 本來6部機械人企晒響度好整齊㗎！但經過小朋友嘅歲月洗禮之後，瞓低晒lu~ XD 搖搖搖~ 搖到外婆橋~~ 男孩子愛射擊，瞄準目標，發射！ 同爸爸決一高下先~ 彈呀！彈呀！有咁高彈咁高啦！跳得好hyper~ 原來最入係party房，有機會嚟呢度開party都唔錯喎！ E3 Club位於D・Park嘅分店係首間孩之寶授權嘅playhouse。場內職員好勤力，雖然啲小朋友到處玩亂晒啲玩具，但見到佢哋都好落力執番齊整，仲會開咪提醒小朋友注意安全。唔錯呀！不過冷氣稍為大，大人同小朋友都要記得帶備外套喎！地方唔算好大，但已經足夠晴朗同朋友玩咗差不多4小時。響香港嘅playhouse真係抵玩，俾一個價錢就可以玩足全日，相比起澳門嘅playhouse限制2~3小時玩樂時間嚟得經濟實專。E3 Club仲有MegaBox同I-Square分店，而MegaBox果間仲要有過萬呎同面對海景添！有機會都想試齊晒咁多間呀！ E3 Club 智遊天地 收費：星期一至五(公眾假期除外) - 非會員：$140/1大1小, 會員：$125/1大1小 星期六、日及公眾假期 - 非會員：$180/1大1小, 會員：$165/1大1小 荃灣店：香港青山公路荃灣段398號愉景新城L3-3001號舖 電話：3176 8358 九龍灣店：九龍灣宏照道38號MegaBox 12樓1號舖 電話：5328 3951 尖沙咀店：九龍尖沙咀彌敦道63號 i-SQUARE國際廣場5樓501-502號舖 電話：2151 1306 網址：http://www.e3club.com.hk