WEEKEND約左幾個媽媽朋友去尖沙咀JAMIE OLIVER, 由於第1次去我仲以為一定好多人同埋會坐得好迫, 點知去到餐廳, 佢地竟然安排一張超大張的枱我地, 坐得非常闊落, 仲要坐正係KIDS ROOM門口, 方便家長門睇住D小朋友。最好仲要無還枱時間, 我地由12PM坐到4PM...完全無趕過我地走, 呢點己經值得大加分呢。 小朋友入到餐廳見到個KIDS ROOM, 第一時間除鞋就入左去玩, 老實講對於3歲以上的小朋友, 呢個KIDS ROOM入面D玩具實在係BB左D, 所以小朋友們反而用左好多時間畫黑板 ^^  KIDS ROOM內有軟墊, BB們唔需要擔心地板硬撞親, 小周董玩緊串珠板, LEGO 同車仔  玩還玩都要食野, JAMIE OLIVER食物不嬲有質素, 大人食物我都唔多作介紹，今次主要介紹KIDS MENU, $78-$88有一個主菜、沙律同飲品，價錢合理。  食物上枱好精緻, 小周董食螺絲粉, SHAKE ME個樽入面係沙律, 食多D菜先夠健康呢!  小周董開餐啦!!  KIDS MENU上食物的味道較為清淡, 岩晒小朋友口味。 大人餐牌當然多好多選擇啦, 我地開左枝白酒, 小朋友自己在KIDS ROOM玩, 媽媽們係出面望得見小朋友是否安全, 可以安心盡情邊飲邊食~SO ENJOY^^  大人食物味道濃郁得多, 好好味呢!! (小周董都幾左幾條 HEHEEE ^^) JAMIE OLIVER銅鑼灣分店我個人覺得比較侷促, 尖沙咀分店裝修特別D, 好有香港風情感覺, 加上樓底好高, 坐得好舒服, WEEKEND尖沙咀區一間咁出名既餐廳, 竟然可以比我地坐足4個鐘, 仲依然咁好服務, 真係真心推介比大家, 不過提提大家如果想要玩KIDS ROOM, 記得至少早一星期前致電餐廳預約, 今次去過後又多間親子餐廳在我的BOOK MARK內了, 如果你地都鐘意歡迎分享比你地D家長朋友們啦^^    ========================= >>> 看更多親子餐廳推介 >>> 看更多親子好去處 =========================   www.facebook.com/1437ritaandhim 歡迎邀稿或其他產品試用，電郵聯絡: ppqq1437@yahoo.com.hk  其他BLOG分享包括:  Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com, OpenRice