上星期因為打風可以多了一天宅在家中, 時間比較好用. 所以星期日就重操故業做了呢款低糖香蕉Cup Cake比孖寶食啦~呢款cup cake可以話係簡單易上手，對新手都唔算太大難度。     其實我之前做的香蕉磅蛋糕都是只用純蛋白打發，今次係第一次用全蛋打發的，好開心都成功，而且蛋糕還保有我喜歡的濕潤度，同香蕉的香氣，而且食到香蕉的粒粒！       材料: 蛋               3隻 低筋麵粉     80g 砂糖            40g (因為比BBs所以我減了很多糖, 而且有香蕉溶都有糖份, 如果喜歡甜的朋友可以加到80g) 無鹽牛油     30g 香蕉溶         170g (Around 1 ½條左右) 泡打粉         1小匙(3g以內) 鹽                1小匙 紙模             6個     做法: 1/ 無鹽牛油用熱水坐融備用     2/ 焗爐用200度先預熱 3/麵粉+泡打粉+鹽先過篩     4/香蕉切小塊壓成香蕉溶     5/ 全蛋可以用攪拌器打發，分兩次慢慢加入砂糖，keep住攪拌去到mousse的狀態     6/ 分兩次加入已過篩的鹽+麵粉+泡打粉，細細力攪勻     7/ 已融的牛油分兩次加入，快快手攪勻 8/ 香蕉溶一樣分兩次加入攪勻 9/ 將已攪好的麵糊倒入紙杯模去到around八分滿     10/ 記住要細細力敲下等d空氣可以排出來 11/ 放上烤盤，之後放入已經預熱的焗爐，200度焗20-30分鐘左右(可以用竹籤插入去試下, 無黏住就OK)     12/ 出爐放在鐵架上   呢款香蕉cup cake真係是好好食呀！自己一直都好喜歡磅蛋糕的紮實口感,  今次的成品口感細膩，而且濕潤鬆軟，最重要係小甜又唔會膩口，真心推薦大家試下整，成功率好高架！           孖寶見到d cup cake都眼睛發光呀, Caydan Ramsey都好比面咁食好多呀, 孖媽覺得好開心喔!           我呢款香蕉cup cake熱食凍食都得,最多可以放係室溫2日.     P.S.  a. 因為我係比BBs食的, 所以我減了很多糖, 而且有香蕉溶都有糖份, 如果真係喜歡甜的朋友可以加返去80g糖的份量呀 b. 仲有注意mix 麵粉嘅過程千其唔好過度攪拌而造成麵筋呀 c.用比較熟的香蕉就最啱啦   我和孖寶的Facebook Page: 荔枝與孖寶  我和孖寶的 Instagram IG#: laichimama   MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com =================================   >> 看更多BB飲食文章 >>看更多BB食譜