我哋都算係茶木fans，點解會咁鍾意？因為裝修靚、食物正、甜品吸引囉！ 歡迎光臨！ 靜係個櫥窗佈置都已經佈置好靚喇！ 佈置用嘅物品仲好貼題添！ 見到啲cake好幣呀！個肚啲咕咕聲仲勁咗~ XD 環境舒適亦都係好重要嘅元素 位於銅鑼灣嘅分店仲有窗邊卡位，望住開揚嘅風景食都食得開心啲啦！ 餐具 紙巾以至牙簽都印有茶木logo，image 100分 小朋友等待食物中有咩嘢好做呢？ 原來排好啲牙簽都可以打發時間~ XD 大人就可以自助添添水 好喇！講到有咩嘢正，一定要推介呢杯水果茶，味道似fruit punch，配埋藍莓、香橙、火龍果...等水果一齊飲，好fresh，而且唔會太甜，正到暈~ 溏心蛋肉燥飯 - 晴朗兩個最鍾意食蛋，驚佢哋唔飽加埋肉燥就啱晒啦！ 炸雞排肉燥飯 - 雞炸得夠乾身，皮脆肉嫩，好味呀！台灣人炸雞的確係有一手架喎！ 紅燒牛肉麵 - 牛肉煮得夠晒淋同埋入味，湯底味濃，加埋大大件紅蘿蔔，簡直係冇得彈呀！ 柑橘鴨胸芥末奶油手作麵 - 原來柑橘同鴨胸配埋，味道都幾夾喎！不過奶油略嫌咸了點，食完可能需要飲多啲水喇！ 鳳梨鮮果甜酸肉 - 賣相已經夠晒吸引！咕嚕肉嘅酸甜度煮得恰到好處，配埋新鮮大大件嘅菠蘿肉，好味又開胃。好快就畀我哋清晒囉！ 鮮芒果鱸魚柳 - 鱸魚炸到外脆內軟，火喉較得啱啱好，魚肉夠嫩滑。加上酸酸甜甜嘅芒果汁入口，既香脆又可口~ 慢煮味淋豬腳 - 豬腳肉質炆得好淋，加埋配菜嘅紅蘿蔔都煮到入晒味，好正呀！不過豬腳其實冇乜肉食，如果豬腳肉可以再肥厚啲就更加好喇！ 黑胡麻油雞翼 - 呢味簡直係黑芝麻愛好者嘅至愛呀！未食已經聞到好香嘅黑麻油味，煮出來嘅雞翼特別好味！晴晴每次來茶木都會提我記得order^^ 點可以漏咗甜品呀？ 紅豆綠茶蜜糖磚塊 - 新鮮熱辣脆卜卜嘅蜜糖吐司配以綠茶雪糕同紅豆，係咪好有和風感覺呢？ 石板街朱古力蜜糖磚塊 - 啱晒晴朗兩隻朱古力怪啦！ tiramisu雪糕配蜜糖磚塊一樣都好好味呀！ 芒果奶油酥皮拿破崙 - 即叫即製嘅拿破崙勁正囉！新鮮芒果肉+cream+超脆卜卜嘅酥皮，連晴朗爸爸都讚好味，咁就真係好嘢嚟喇！XD zoom埋去睇清楚啲，師傅手勢認真唔錯，面頭啲水果仲灑咗金箔粉添！成份甜品即刻變得尊貴咗！睇見已經流晒口水喇！ 係咪每個小朋友見到甜品都會笑到咁㗎呢？ 我哋都食得好happy呀！woo~ho~~ 茶木無論服務、環境甚至食物都有水準，唔怪之得門口成日都排晒長龍啦！如果怕餓到個肚咕咕聲嘅話，就要預早少少去等位喇！ 茶木‧台式休閒餐廳 TeaWood Taiwanese Cafe & Restaurant 網頁：http://www.teawood.hk 杏花村盛泰道100號杏花新城地下G45號舖 電話：2172 7848 銅鑼灣軒尼詩道502號黃金廣場9樓 電話：2563 2299 銅鑼灣軒尼詩道489號銅鑼灣廣場一期6樓A舖 電話：2836 5600 中環蘇豪威靈頓街98號翡翠中心1樓 電話：2323 1778 牛頭角牛頭角道77號淘大商場三期地下G301-G320號舖 電話：2806 3087 九龍灣偉業街33號德福廣場1期L1樓G53D舖 電話：2174 9488 樂富聯合道198號樂富廣場1樓1108-1110號舖 電話：2363 0339 紅磡德安街7號黃埔花園8期黃埔美食坊1樓116店 電話：2303 0122 尖沙咀彌敦道63號 iSQUARE國際廣場6樓603-604號舖 電話：2668 5011 尖沙咀加拿芬道20號加拿芬廣場2樓 電話：2367 2208 旺角彌敦道628號瓊華中心10樓全層 電話：2780 2321 旺角亞皆老街8號朗豪坊4樓3號舖 電話：2897 3008 旺角西洋菜街1號兆萬中心17樓全層 電話：2267 9477 荃灣楊屋道1號荃新天地地下G60號舖 電話：2677 0890 荃灣蕙荃路22-66號綠楊新邨綠楊坊2樓S7-8&8A號舖 電話：2148 5533 屯門屯隆街3號屯門市廣場一期3樓3205號舖 電話：2648 0288 元朗朗日路8號形點二期3樓A303號舖 電話：2450 2866 東涌達東路20號東薈城地下G24號舖 電話：2572 1198