今日係我生日,好開心可以番到呀媽度食飯, 雖然對我哋嚟講真係好遠,係元朗過嚟,仲要帶住呀女就特別煩, 我哋難得一場嚟到就去行吓街先番去食飯啦!所以我哋揀咗去睇滅火輪   呢架船以前我想去就去,一落街行20分鐘度就到!依家要山長水遠先去到,哈哈哈... 今日係星期日,我哋諗住係太古坊個邊行過去, 咁啱今日攪緊巿集就走過去行吓睇吓有冇嘢幫襯! 見到個咁靚既生果車影番張相先 滅火輪依家靚咗好多,有埋地下個展覽館介紹吓咁,以前得架船乜都冇 有條樓梯呀仔都可以玩餐飽! 你哋兩母女真係越嚟越似樣! 有個水喉係度但係唔扭得架,扮吓嘢影張相啦   呢個水泡俾Hysan,佢只會喺中間跌咗落去       呢度唔算大,但係可以上去睇吓架船影吓相都幾舒服, 因為佢安置喺公園裡面,所以順便行吓公園都幾好 住得近既拎埋單車踩都幾開心架, 之後我哋沿住橋行番去對面既兒童遊樂場           個遊樂場都算大,玩完呢度玩吓個度,不過始終於近海旁,所以同小朋友嚟要小心佢哋被風吹親     跟住我哋經太古城行番屋企,途中遇見呢個大水波!   呀仔見到佢好得意就推佢,大家千祈唔好學佢呀,個波其實一路被水去滾動, 識得轉架! 呢個衰仔差少少就失去平衡跌向前,個鼻差少少就撞埋去個波度,激死人!   Photo by CANON 5D Mark III, Len | EF 35mm f/1.4L USM     呀劍評分: 6分 呀劍評語: 唔可以同一D大農場大遊玩設施相比, 不過俾小朋友嚟認識一下除咗有救火車,都係有滅火輪架! 但係點解唔係叫「救火船」呢?   葛量洪號滅火輪展覽館 簡介 「葛量洪號」滅火輪於1953年投入服務，2002年退役前，一直是香港消防處滅火輪隊的旗艦，曾參與無數船舶及沿岸重大火警的撲救工作和海上救援任務。「葛量洪號」在香港黃埔船塢建造，除了見證香港的消防歷史外，亦充分反映香港五十年代造船業的成就。   地址 位於香港鰂魚涌公園內   開放時間 星期一及星期三至日： 上午10時至下午6時聖誕前夕及農曆大除夕提前於下午五時休館   休館日 逢星期二休館 (公眾假期除外)農曆新年初一至初二 票價 免費   交通 從港鐵太古站E出口步行約10分鐘，經太古城中心和行人天橋抵達鰂魚涌公園； 自港鐵西灣河站A出口向西步行約10分鐘，經香港電影資料館至鰂魚涌公園； 乘搭途經鯉景道的巴士（2A, 2X, 77, 82S, 85, 99, 110, 606, 722），至鯉景灣休憩公園對面下車，再沿行人路向西步行約5分鐘，經香港電影資料館至鰂魚涌公園。   電話 2367 7821 傳真 3580 0498   網址 http://www.lcsd.gov.hk/CE/Museum/History/zh_TW/web/mh/about-us/fireboat-alexander-grantham-exhibition-gallery.html   (以上資料更新至文章當日)   ==================== >>> 看更多親子好去處文章 ====================   Facebook專頁: 呀劍萬帥 kimfamilytravel Blog網誌 : kimfamilytravel.blogspot.hk