細細個既時侯好似嚟過一次WWF米埔自然保護區, 大個之後真係好想懷舊一下, 所以再一次報名參加, 搵番D童年回憶先!   今日得我同Hysan出發,因為呢個活動只適合4歲或以上小朋友參加, 呢個活動我係網上報名,WWF每個月都有好多唔同既活動俾大家網上參加,如果唔係咩特別日子,基本上都唔難報名, 佢每個導賞團大概只限20人報名,雖然唔難報但係都唔好等到太遲先去報名喎! 因為要早上10點就要集合,所以我一早起身同Hysan著好衫就Call的士去,由元朗出發大概用咗20分鐘度就去到,車費大約$70-80!   因為太早起身, 對眼仲係腫腫地, 食番個飽先做早餐先! 去到OFFICE向職員拎番個望遠鏡先, 望遠鏡喺個團費度已經包埋!記住導賞完咗之後要還番俾自然保護區   因為小朋友可能都未必掌握到點用望遠鏡, 佢哋只會將個望遠鏡緊貼住自己雙眼 所以喺活動未正式開始之先, 同佢練習吓用個望遠鏡先!         等多一陣都就黎齊人跟住職員姐姐就開始今次既導賞團啦, 佢拎住一個專業既望遠鏡,原來係SWAROVSKI,都冇諗過原來呢個牌字都有出望遠鏡! 一開始姐姐梗係講番10幾分鐘既簡介,因為參加既人有大有細有老有嫩, 所以佢個Tune都要就住小朋友嚟講,唔可以講得太深!         開始行到半路,有第一個景點睇吓啦,Hysan就拎住支望遠鏡去睇, 起初佢仲未掌握到點睇,因為佢對眼對唔準個窿,仲成日見到佢好似將個眼球掂落去支鏡到,嚇死我! 但係俾多少少時間佢,佢慢慢開始知道點用,當佢第一次話「我睇到啦」, 個吓我都有少少開心!好似覺得佢長大咗咁! 再繼續行多大約5分鐘度,有一個空地方對住條河! 有一隻人咁高既雀企咗係遠處,好攪笑! 望過去覺得佢好假,跟住導賞姐姐叫大家可以試吓用佢個支SWAROVSKI去睇! 嘩,原來真係好靚,你望落去個陣好似睇緊3D咁,超級立體!       行程大概行咗一半,去到觀鳥屋,我哋上到最高個層,一望出去真係好靚, 同濕地既分別就係呢度raw好多!你見到好多唔同種類既雀仔係度行, 仲有一種好似雞咁動物,但係佢識得游水架喎               之後入到去遊客中心,俾大家可以去吓厠所休息吓咁! 裡面冇咩特別,都係有D假雀同益智遊戲俾小朋友玩吓咁啦             再行番出去之後去到一個荷花池,係呢個時侯又咁啱有太陽,真係好靚! 我哋沿住條木橋行出去睇,橋2邊都有好多荷花,有粉紅有紫色,行出D有黃色同白色!正       整個行程差唔多個半鐘度,最後我哋冇call的士入嚟,我哋沿住條路慢慢行番出去, 沿路去到一個大濕地,見到好多好多白鷺!我同Hysan行落去, 佢哋好勁,只係離遠行埋去,差唔多50米佢哋都feel到,就已經飛走哂! 我都估唔到Hysan咁勢利,可以行番出去搭綠Van番元朗,都差唔多行咗25分鐘架! 可以搭76K或者17號小巴     Photo by CANON 5D Mark III, Len | EF 35mm f/1.4L USM   呀劍評分: 9分 呀劍評語: 如果對於一D好想成個行程都好精采好充實的家長嚟講,呢度唔算好好,但係我鍾意夠RAW同夠自然,慢慢跟住導賞行,唔一定沿路好多嘢睇,但係感受到個種唔急唔趕,同呀仔享受親子樂的時光,特別開心!  米埔自然保護區簡介 米埔自然保護區是一片位於香港元朗區米埔一帶的濕地。於冬季，濕地有不少來自中國北部及西伯利亞的候鳥在此過冬。 地址 新界元朗新田 交通(元朗) 1. 紅色小巴於元朗水車館街乘17號紅色公共小巴至米埔村，車程約10分鐘；於担竿洲路下車(近米埔村)，沿担竿洲路步行至米埔訪客中心，需時約20分鐘。 2. 公共巴士於元朗鐵路站步行至朗日路南邊圍的「新元朗中心」巴士站乘九巴76K往「米埔」站下車(近米埔村)，車程約15分鐘；然後從米埔村沿担竿洲路步行至米埔訪客中心，需時約20分鐘。 3 新界的士於元朗鐵路站乘的士直往米埔訪客中心，可告訴的士司機前往「米埔自然保護區白鶴洲停車場」，車程約15分鐘，費用約港幣六十元。 電話 27088885 www.wwf.org.hk (以上資料更新至文章當日) ============ >>>看更多親子好去處文章 ============     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk