今日請咗個生日假,下晝有時間可以同芊芊去個短線旅程,本來諗住同佢去個海洋公園, 但係一諗太遠好似好誇張,我一個麻甩佬唔知會唔會攪唔掂佢! 所以最後就同佢去咗屯門公園既爬蟲館 等佢食完個晏晝我就同佢出發,我哋係朗屏搭西鐵落去屯門站,同佢拍住拖2個人既心情好興奮,一路都拖住佢同幫佢影吓相,點知...     落咗車之後諗住入去屯門公園,佢就已經飯氣攻心瞓著咗, 於是我唯有推住架車自己去食個靚TEA先,等佢起番身之後我就同佢再入過去公園!     去到門口,又到佢肚餓,所以我哋係門口前面一個草地度食麵包, 跟住見到有隻貓企咗係度好乖唔郁,原來係有人養既,芊芊又想掂佢,又唔敢行近佢,話好驚呀!           之後我哋入到去,原來只係一個小小既館,我估只係千幾呎! 如果要行哂我諗5分鐘攪掂, 芊芊就一路睇唔同既昆蟲,又想餵佢哋食嘢,好得意! 跟住見到有條變色龍,我覺得好靚呀,唯一一隻我想停係度望多陣既昆蟲! 成個過程最討厭係有個正義食蕉,我抱起芊睇昆蟲,用個扶手嚟借力,佢就即刻話我,仲話咗我幾次!!!!       最後我哋走番出嚟穿過屯門公園搭番西鐵番屋企lu... 沿路都同佢影吓相,我買咗隻snow man俾佢,佢好開心,一路都要攬住佢行!     Photo by CANON 5D Mark III, Len | EF 35mm f/1.4L USM     呀劍評分: 5分 呀劍評語: 一個普通爬蟲館又唔可以同其他地方比較既, 平日想搵個簡單易去既地方都幾好! 係公園玩吓又可以睇吓昆蟲, 對小朋友嚟講都唔錯!    屯門公園爬蟲館簡介 屯門公園重點推介：爬蟲館。免入場費，有冷氣，有活生生的爬蟲類，若在公園逛得熱了，進去不為參觀只為嘆嘆冷氣亦無不可   地址 屯門公園 交通 搭西鐵屯門站落, 在園內步行若10分鐘便可 電話 2404 2031 (以上資料更新至文章當日)   =========================== >>> 看更多親子旅遊/好去處文章 ===========================     Facebook專頁: 呀劍萬帥 kimfamilytravel Blog網誌 : kimfamilytravel.blogspot.hk