上年因打風關係取消咗嘅北潭涌渡假之旅，大家都好失望。稟承我哋一向爛玩嘅精神，今年再接再勵。今次天氣好好，我哋都玩到唔捨得走呀！ 小朋友精神奕奕，集齊人馬就出發lu喂！~~ 話咁快到達西貢北潭涌營地，好興奮呀！ 踏足營地後，已經感受到一股好強烈嘅渡假feel喇！ 一路上，大人大包細包又拖喼，慢慢移動至所屬渡假屋。小朋友就邊唱邊跳，大家心情都好雀躍~ 前面就係8-11座家庭營喇！ 我哋住第9座，上去囉！ 房間幾企理喎！望出去睇下有咩風景先~ 園景都唔錯丫！環境好舒服呀！ 出去玩囉！晴晴見到營地嘅模型覺得好得意，仲叫我埋去睇。嘩！營地面積好大呀！ 打番舖遊戲機先~ 呢度就係飯堂喇！ 部份團友已經嘆梗下午茶，醫醫肚~ 其餘嘅就參加「海洋萬花筒」活動，小朋友都好專心喎！ 導師正為我哋介紹海洋生態同浮游生物嘅知識 呢啲就係一陣間去採集樣本嘅工具喇！ 大家都好留心聽採集嘅步驟，好期待呀！ 我哋出發去河堤邊喇！ 每個小朋友都手揸水筒同工具，係學習自理嘅好機會呀！ 事不延遲，放工具落去水度採集先~ 要來回幾次，咁先可以採集多一啲浮游生物㗎！ 採集完之後用水沖一沖個網。小朋友都記得晒啲步驟喎！果然有聽書~ 我哋都收集好晒喇！yeah!!! 番到去，先將樣本倒落去透明器皿 然後就可以用顯微鏡觀察海洋浮游生物喇！見到有啲好微細嘅嘢響度游嚟游去，有一啲仲響度跳跳下添！ 比較常見嘅浮游生物 又有得玩，又學到嘢，我哋都做得好好呀！yeah!!! 活動後，我哋就番上房預備下一個環節喇！細心睇下，原來四周都裝修得好靚㗎！ 門口都有一盤花做裝飾，唔講仲以為去咗酒店住呢~ 畫花面貓時間，個個小朋友都扮鬼扮馬一番，預備開halloween party喇！ 小魔女對手多咗兩朵花，畫得好靚呀！ 咁靚女，就當然要同媽咪嚟番張合照啦！ 嘩鬼兵團要出動喇！we we wa wa he he ha ha~~ 「TRICK OR TREAT!!!」咦！原來唔係四處出動去問人攞糖，而係四圍派糖呀！ 熱鬧完一輪過後，又到醫肚時間喇！it's BBQ time~ 燒雞翼~ 我鍾意食！快啲啦！肚餓到咕咕聲喇！大人落力燒嘢食~ 小朋友就負責等待食物啦！XD 期待已久嘅燒棉花糖來喇！燒到外脆內軟先好味加嘛！yummy yummy~ 食飽飽，我哋回房間沖番個靚涼先~ 當我執好衫預備幫晴晴沖涼之際，見到佢畫到自己咁嘅樣....OMG~ *o* 趁呢個時間，為大家介紹一下我哋間房啦！門口入來就係一個大廳 右邊有梳化、枱和櫈 左手邊有茶机、電視、房間和洗手間 茶水間有提供電熱水煲、水壺和水杯 我哋住嘅係8人房，所以特別大，有3間房 呢間就係我同晴晴嘅房喇！ 洗手間門外設有大洗手盤，就算有人用梗洗手間都可以洗手，好方便~ 洗手間內乾淨企理 企缸地板使用了防滑地磚，幫小朋友沖涼就更安全啦！ 花灑頭都有兩個，設備都算幾齊全喎！而且沖涼期間冇缺熱水情況，太好喇！ 洗手間內亦設有洗手盤和垃圾筒，仲有風筒添！ 小朋友一有空檔時間就梗係玩啦！原來在兩張床之間跳來跳去扮過河都可以玩一餐㗎！XD 唔只呀！一把摭亦可以玩一大餐。睇住佢哋真係覺得好好笑~ XDD 糖水時間嚟喇！玩完又食，食完又玩，大概就係我哋今次入camp嘅主要目的~ ^O^ 腐竹糖水3大筒！嘩！咁多邊食得晒呀？糖水煲得好好味！如果可以有埋原隻雞蛋咁就very good喇！ 晴晴選擇食啫喱，食到lam lam脷呀！ 第一天活動到此為止，大家都要預備覺覺豬囉！~~ Goodnight zZz zzZz 第二朝一早就起晒身，為我哋豐富嘅營地節目做好準備呀！ 早餐時間，大家要食飽啲先有精力玩㗎！ 菜肉包、香腸、炒麵，啟動囉！我唔客氣喇！ 白粥加入咗腐竹，煲得好綿呀！ 食飽早餐又四周圍行下先！呢度係教育農莊~ 蔬菜同薄荷葉都種得好戌盛呀！ 晴晴仲發現樹上長出咗好多木瓜添！ 到兒童遊樂場玩下囉！~ 搖搖馬、爬攀架、轉轉椅，小朋友盡情地放電去~ 路過有跳飛機嘅地方，小朋友都呼叫起來了 你跳我又跳，成班突然變晒小白兔，十分可愛呢！ 仲有咩玩呀？跟住嚟啦！入到去你就知！ 小朋友正為自己設計一個獨一無二嘅沙樽呀！ 將沙倒入樽口，考考手眼協調同專注力 我嘅七彩星星沙樽完成喇！大滿足！ 面具製作，大家都好專心喎！ 玩完靜態嘅，不如去玩啲動態嘅啦！充氣城堡好受小朋友歡迎呀！ 瀡呀！跌呀！跳呀！撞呀！想點玩就點玩，已經進入咗忘我境界~ XD 在教練指導下學跳彈床都好玩呀！晴晴玩完又要再排隊玩過，估唔到真係咁鍾意喎！ 打羽毛球係一項唔錯嘅運動嚟！實行嚟番場親子友誼賽啦！ 練習進行中... 天氣咁好，當然要玩番啲戶外活動啦！去踩單車囉！gogogo~ 仲有水上活動添！ 親子水上單車，大人要不停踩可能會辛苦啲，小朋友可以盡情享受坐船樂~ 欣賞一下咁靚嘅湖光山色，好舒服呀！ 一輪精彩緊湊嘅活動之後，番房稍作休息 睇下我哋準備咗嘅兒歌，個個都睇得好投入呀！仲一齊估下一首係咩歌添！ 都知道小朋友唔可以靜落嚟太耐㗎喇！又要玩過河，真係精力無限呀！ 枕頭套同床單收集處，係畀小朋友學習執拾房間嘅好時候喇！ 執好晒！預備離開渡假屋~ 出番去活動中心睇下仲有咩嘢玩先~ 有卓球室喎！ 又可以打下康樂棋 仲有遊戲機打添！活動好豐富呀！ 五臟廟急call，齊齊嚟開餐喇喂！~ 我哋order咗精選套餐：粟米魚肚羹、鹽焗雞、京都豬扒、紅燒斑腩、瑤柱肉崧蒸滑蛋、金菇扒時菜。大家食飯！起筷啦！ 離開營地，大家都帶著樂而忘返嘅心情回家去囉！ 我哋比較過其他幾個營地後，發現保良局北潭涌營地比較多嘢啱小朋友玩，而且有專為家庭而設嘅房間，所以一心好想嚟玩一次。果然冇令我哋失望，多嘢玩之餘，又學到嘢，而且環境仲好靚添！仲有樣嘢估唔到，飯堂啲嘢食都好好味呀！兩日一夜嘅行程既精彩又豐富，大人同小朋友都玩得好開心呀！有興趣帶埋小朋友嚟玩嘅朋友，可以參考以下資料： 營地收費表 (可按圖放大) 住宿入營及離營時間表 (可按圖放大) 營地平面圖 (可按圖放大) 營地環境真係好靚！第二朝趁早冇咩人四圍影咗啲相，大家有興趣可以睇下丫！ 遇著旺季會比較full，我哋都預早咗5個月訂營。如果想去玩嘅話，記得早啲book喇！ 保良局北潭涌營地 訂位及營地查詢電話：2277 8678 網址：http://www.poleungkuk.org.hk/pak-tam-chung-holiday-camp/introduction.html ==================== >>>看更多親子好去處文章 <<< ====================