而家天氣唔熱唔曬又唔凍, 最啱同小朋友 outing, 同動物接觸吓, 灌輸保育訊息. 好開心可以同 3 姊弟一齊去海洋公園冬日學堂 2016, 除咗近距離見到熊貓、企鵝、鸚鵡同海獅之外, 仲有得唱歌、跳舞、聽故事, 而且安排夠細心, 就算帶晒 3 姊弟去都零負擔!   Keicy、Kassy 同 Par Par 都係 5 歲或以下, 所以參加「小動物上興趣班」呢個級別 (6至8歲係「小動物上學去」). 呢日, 3 姊弟一早去到一間課室, 所有小朋友都企定定, 之後老師做自我介紹, 同佢哋做朋友, 再問佢哋想學乜嘢, 仲幫企鵝揀興趣班! 跟住, 小朋友兩個人一組排隊, 開始呢日嘅體驗之旅…… ` 【第1站: 睇熊貓】 其實呢度每個動物屋企門口, 都有一塊消毒藥水地氈 入動物屋企探佢哋之前, 無論小朋友、大人抑或老師, 都要踩一踩張地氈, 消毒咗鞋底先, 咁就唔會帶啲細菌去佢哋屋企啦! 工作人員介紹熊貓嘅食物, 話畀小朋友知熊貓係食乜嘢,  又有啲生果串燒. 個蘋果串燒好搞笑! ^^ 跟住, 3 姊弟又可以聞吓、摸吓熊貓食嘅餅餅. Keicy 話聞到酸酸哋、甜甜哋! ^^ 仲話圓形嗰嚿, 係老師鍊到佢淋晒, 再搓, 整成餅型, 硬晒一嚿嚿, 就可以餵熊貓食嘞. 3 姊弟最後出去探吓熊貓, 見到哥哥餵熊貓食嘢,  而且啲熊貓都好乖, 食嘢都好有禮貌. Bye bye 嗰陣時仲識畀飛吻, 同哄埋塊鏡度錫大家! So sweet! ^^ 同得意熊貓影完合照, 就返課室.   抵讚位 1 - 耐心講解 呢個時候, 3 姊弟同一班小朋友都好興奮, 而工作人員同老師都好耐性, 慢慢同佢哋講解.   抵讚位 2 – 安全火車 雖然冇家長陪同, 但小朋友都好安全. 因為工作人員會拉住一條長帶, 好似火車咁, 上高有好似冬甩嘅圈圈畀小朋友揸住, 咁小朋友就唔會盪失路.   抵讚位 3 – 特設 Toilet Town 沿途小朋友突然想去wewe 都唔怕啦! ` 【第2站: 睇金剛鸚鵡】 聽完老師介紹鸚鵡…… 小朋友就可以影相喇! 可以近距離見到鸚鵡, 梗係好開心啦, Keicy 話鸚鵡嘅顏色好靚, 尤其是紅色! 就算返到屋企都好興奮, 學晒鸚鵡咁唱歌, 可能係因為學咗呢首《鸚鵡聖誕歌》, 仲跳埋舞呀! ^^ ` 【第3站: 學做企鵝】 睇完鸚鵡, 3 姊弟又返課室, 感受吓做企鵝嘅感覺. 首先, 用一條帶, 箍住小朋友雙腳, 學企鵝行路, 再試吓踢波、同跳躍係點. 另外, 又會戴住手套玩保齡球. Keicy 話都幾難, 因為手套係封住晒啲手指, 就會好似企鵝咁樣喇. ` 【第4站: 海洋列車】 所有人排隊上海洋列車, 入到去係好黑嘅隧道, 天花板嘅屏幕播放海底畫面, 有水、好多魚仔、魔鬼魚、鯊魚, 最後仲有隻八爪魚撳住大家, 好搞笑! ` 【第5站: 冰極餐廳】 喺動感天地搭扶手電梯上冰極餐廳食嘢, 嗌咗兒童餐.   細心位 1 – 份量啱啱好 兒童餐有分一人份量同家庭份量. 呢碟意粉好大碟, 係家庭份量, 啱啱好夠我 3 位小朋友食.   細心位 2 – 畫紙顏色筆 想小朋友食完嘢繼續坐定定? 餐廳有畫紙, 3 姊弟可以油吓顏色, 唔怕悶親!   細心位 3 – 企鵝圖案餐具 膠杯同膠碗都有企鵝嘅圖案, 襯返隔離跳緊水同游緊水嘅企鵝.　^^ 溫馨提示: 1) 室內比較凍, 記得帶件褸. 2) 餐廳附近同成個園區都有好多好靚嘅企鵝影相位. ` 【第6站: 講解動物知識】 3 姊弟行特別通道去課室上堂. 小朋友上堂中途如果覺得凍, 老師會畀件披肩佢哋保暖, 夠晒細心呀! :) ` 【第7站: 睇海獅】 原來海獅係咁大隻! 打橫一排十個小朋友咁長呀!!! 海獅好靈活, 做到好多動作, 擺到好多 pose, 又會飛吻同 bye bye, 3 姊弟都睇得好開心! ^^ 佢哋都記得工作人員會畀好多魚海獅食 ，因為海獅一日要食好多魚…… 白色嗰塊石頭, 係畀住喺度嘅動物攤抖. 而橙色嗰件係玩具, 佢哋可以捐入去, 再飛出嚟噴水! 佢哋好乖, 跟足指令排隊、跳水、上水、食嘢 小朋友都睇到嘩嘩聲!   【第8站: 揀興趣班、講故事】 見晒 4 種動物, 再返入課室聽老師講故事. 首先, 老師要小朋友幫佢哋揀興趣班. 跟住有書伴我行基金會嘅姐姐講故事, 呢位姐姐仲同家長分享, 點樣講故事, 可以啟發小朋友. 仲話希望香港每位小朋友, 都享有共讀嘅機會，令親子同社區關係得以改進、令小朋友更熱愛學習.   呢個非牟利機構提供： 改革性嘅家長同老師培訓; 優質中、英文兒童書籍; 與作家及專家接觸嘅高質素活動 從而充實本港普羅市民的生活 姐姐仲帶嚟佢嘅專業意見, 介紹呢 3 本書, 等我記低佢先!   【後記】 好快就玩完一日! 好開心、好充實, 有好好嘅安排! 其實, 呢個係一日濃縮班, 正式課程係要 3 日先上完, 而且仲有畢業典禮, 可以獲贈精美繪本, 返屋企同小朋友一齊閱讀!   ====== 海洋公園冬日學堂2016 課程日期：2016年12月21日至2017年1月2日 截止日期：每班開課前7天 課程時間：為期三日   A組費用(4至5歲)：HK$1,788 / 每班20人(共12班) B組費用(6至8歲)：HK$2,840 / 每班20人(共4班)   報名日期： 智紛全年入場證會員(可享88折)：2016年11月15日16：00起 非智紛全年入場證會員：2016年11月15日16：00起(於11月24日15：59前報名可享92折)   查詢：39232323 (選擇語言後，按「4」字聯絡海洋公園教育部) ======     FB: KeicyKK