自製顏料!!! 親子創作「抽象派」畫作!! 好多人會問 卡樂B 只有7個月大，點樣創作畫作?! 仲要「抽象派」?! 其實好簡單！不過就需要時間去預備啦！ 為了令卡樂B 真係真係唔覺意將顏料食落肚，都唔會太大件事! 我就決定「自製顏料」!   「自製顏料」方法大公開 材料 麵粉 30g 水 100ml 食用色素 (橙/紅/綠/啡/藍) 數滴 做法 1. 為了令顏料呈現順滑狀態，建議先過篩 2. 加入水後，攪拌至無顆粒 3. 開超級細火，不斷攪拌至漿糊狀 4. 分成5等份，加入食用色素後拌勻就可使用 畫板在$12店買!! 將色彩繽紛顏料點在畫板上 包一層透明包書膠 之後你與孩子就可以用手或腳，以「按」、「摸」、「拍」等形式進行創作! 話咁快就完成啦~~~創作過程中，卡樂B 好興奮!! 係咁「打打」、「拍拍」、「摸摸」畫板!! 4-12個月BB 除黑白外，開始望到其他顏色，視覺神經亦會對彩色的東西變得好敏感！創作過程中，色彩繽紛的顏色點，可以刺激BB視覺神經，亦可以讓BB觀察顏色的變化，促進大腦發展！各位家長都可以試下同bb 一齊創作啦~~ 看更多： 【Beryland】兒童顏料選擇 【80後媽媽】【親子DIY】自家製手指畫顏料fingerprint 【奧斯卡媽媽】親子DIY玩具@抽抽樂面紙盒 >>> 看更多親子DIY媽咪分享     LULU 媽媽及卡樂B FACEBOOK!! LIKE: https://www.facebook.com/lululittlekitchen