天氣涼涼地, 又係食麻辣雞煲既好時機啦, 出街食固然正,不過有時太辣, 有時又唔夠辣, 自己整就容易控制辣度, 做法又簡單, 食完後加湯就可以打埋邊爐, 冬天一家人圍爐食真係好温馨好開心. 好多朋友鐘意食芝士雞窩,我今次都加左少許, 芝士狂當然可以加到拉絲,但我唔想芝士味蓋過辣味, 所以只落左少許就算了.  ​ 材料: 雞                        1隻 火鍋麻辣醬        1包 薑                        數片 蒜頭                    1個 乾蔥                    5-6個 芹菜                    1棵 花椒, 八角, 香葉      少許 乾辣椒, 鮮辣椒      適量(因應可接受辣度添加)   醃料:  生抽                  2湯匙 糖                      2茶匙 紹酒                  2湯匙 胡椒粉, 麻油    適量 - 雞洗淨切件, 加入醃料醃1小時 - 爆香薑片, 加入蒜頭和乾蔥頭爆香 - 加入雞件兜炒至雞肉表皮和肉挺身 - 加入2茶匙麻辣醬(能吃辣可加多點,但宜先試味, 不夠辣再添加) , 兜勻. - 加入花椒, 八角, 香葉和2杯水, 用慢火炆雞約30分鐘 - 最後加入芝士粒煮溶 - 最後下芹菜兜勻, 下調味, 即成.  跟外面的食法一樣, 先吃雞, 之後加湯再作火鍋, 未用完的火鍋麻辣醬可在加湯時再添加, 買即食包一次可用完, 不怕浪費. 秋冬又係打邊爐季節, 用來宴客簡單又易做, 一班人食好開心又熱鬧.  聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤The Ztyle❤ ❤She.com❤ ❤weshare❤ ❤Qooza❤ ❤UBeauty❤ ❤Pixnet❤ ❤Beauty Exchange❤ ❤Esdlife❤ ❤OpenRice❤ ❤博勢力❤ ❤mamibuy ❤