今日天氣報告話會落雨, 見到個天都係好厚雲, 但係遲遲都落唔出雨! 所以今日揀咗個室內地方參觀, 就係中環8號碼頭的香港海事博物館，我哋乘搭港鐵在香港站A2出口, 總之向住碼頭方向出發，可以上一層沿住天橋行過去8號碼頭   博物館就在這裡，我哋先在館外望望船，看看渡輪泊岸！媽咪就同芊芊到周圍散步，吃個午飯！   然後我同Hysan就入去海事博物館參觀，成人只需$15, 小童$10，真係好抵！ 呢度分咗三層，我哋在入口的左手邊，先沿住扶手樓梯行落去！ 這裡由船的歷史講起，擺放咗好多個船的模型，全部都好靚好仔細！ 中途有個大MON可以用兩隻手去控制個地圖! 由古代鴉片戰爭時期的船講到現今貨櫃碼頭及郵輪！   上咗一層見到外面大海, 光猛好多!!   講到現今的貨櫃碼頭! 隔離仲設計咗個好似貨櫃咁既空間, 裡面有個控制貨櫃上落的遊戲TV GAME, Hysan落貨櫃既位置唔啱, 整沉咗架船好幾次, 但係佢個目的就係想整沉佢, 太恐怖!     最後上到一層講少少天文, 唔知點解有人造衞星....可能船隻要用衞星導航! 所以見到佢... 超級大土豪金縲旋槳(個名我作的) 佢係太空人定潛水員呀?! 係咪中國第一艘潛艇?! 最後上番去出口附近，有一個以香港製造為題的展覽，可以免費入場，地方不大，陳列出好多香港六十至八十年代些香港工業及製造業的產品！ 最後我哋就離開跟媽咪會合！ 在場管外看到這個大摩天輪，上去坐就冇咩興趣啦，不過都忍唔住要同佢影番張相！ Photo by CANON 5D Mark III, Len | EF 35mm f/1.4L USM     呀劍評分: 6分 香港海事博物館 簡介 香港海事博物館位處中環八號碼頭，地點四通八達，面朝維多利亞港, 香港海事博物館是非牟利註冊慈善團體，所有場地租賃收益將用作博物館營運經費以及資助各項教育及公眾活動。   地址 香港中環八號碼頭 開放時間 上午九時半至下午五時半 (星期一至五)  / 上午十時至下午七時 (星期六、日及公眾假期)  農曆年初一及初二休館  閉館前三十分鐘開始停止售票 門票 成人 原價$30 長者(六十歲及以上)/ 學生/ 兒童(十八歲或以下)/ 殘疾人士(及一名陪同看護人)原價$15 交通 小巴 路線 22S  城巴巴士 路線 7/11/12/511/629/880/780P 新巴巴士 路線 3A/4X/15/15C/25/91/94/307/722 九巴巴士 路線 603  港鐵 香港站A2出口(東涌線)從A2出口步行約10分鐘至中環碼頭往離島 電話 3713 2500 (以上資料更新至文章當日) 繼續看： 【親子好去處】鰂魚涌 葛量洪號滅火輪展覽館 【親子好去處】屯門公園爬蟲館 【親子好去處】沙田 火炭 稻鄉飲食文化博物館 >> 看更多本地親子好去處，同小朋友周圍玩！   =======================   Facebook專頁: 呀劍萬帥 kimfamilytravel Blog網誌 : kimfamilytravel.blogspot.hk