2016/10/9 自由約既活動唔知大家有無聽過呢?! 自由約會定期係每個月第二個星期日係西九海濱長廊舉行活動, 活動內容包括有音樂, 表演, 小朋友玩樂交流等等. 莎拉對佢就一啲都唔陌生, 因為之前都有去玩過.  而剛過去10月份既自由約活動就特別啲, 因為有戶外電影播放喔. 戶外電影係外界一直都好流外, 但係香港就比較少有. 莎拉咁大個都未試過係戶外睇電影, 所以今次要去朝聖吓. 既然係晚上才有戲睇, 咁就不如順便嚟個夜間野餐喔.  到達西九海濱長廊大約6PM, 天色都係日光日白.  但坐唔夠30分鐘, 就開始日落了, 天空顏色就由白色轉為紫色再轉成橙黃色, 好靚好浪漫喔. 平時日間Picnic就試得多, 夜晚picnic都係第一次, 所以為方便都係在圓方商場內既three sixty supermarket買啲輕巧既食物.  除此之外, 仲特別帶了一串LED燈嚟作照明之用, 仲可以添氣氛喔.  全場當日只見我地呢幫人有燈, 所以我地就好似草地上既路燈一樣. 望住維港夜景加埋ICC既景觀嚟Picnic又真係唔有一番風味呀.  食飽飽就去中央廣場那一邊去攞定位先, 因為雖然場地好大, 但絕對係坐滿人架. 其實除咗有戶外睇電影之外, 之前仲有有唱歌架, 如果唔帶食物嚟, 其實即場有hotdog, 啤酒等fast food賣架.  雖然今晚播既電影唔係一啲平時睇既movie, 而係一套獨立記錄電影講香港青年既夢想, 聽落好似好悶, 但其實內容都有唔少笑位, 整個草地坐滿人, 大家有共鳴既位大家都會一齊笑, 氣氛好好呀.  陶寶B查實係開場唔夠15分鐘就已經瞓咗, 仲要瞓到有鼻鼾, 周圍啲姐姐都笑佢, 因為佢地以為係有人睇戲睇到瞓著咗, 點知原來係個小朋友扯鼻鼾. 夜晚吹住風, 清清涼涼好舒服, 下次如果再有戶外電影播放都要再嚟過. >>> 看更多親子活動分享