2016/11/20 自從係2年前係維園參加過Playright (智樂兒童遊戲協會)既活動之後, 就一些再想參加, 可惜次次都報唔到名呢. 今次中西區海濱舉辦既社區共建遊樂場, 莎拉係手提電話Set好晒鬧鐘提自己上網報名, 終於俾莎拉報到名之餘, 仲約埋朋友仔可以一齊去玩添. 今次智樂既活動場地係西環海濱, 平時真係無嚟過呢度, 一大片草地對住海旁, 今天天氣唔熱吹住海風真係好舒服.  準時10點就到達場地, 展示確認報名身份的QR Code後就可以進場玩了, 今日仲約埋海琳妹妹一齊玩.  社區共建遊樂場主張由小朋友自己用不同既物資去建立自己既遊樂場, 附合小朋友天生愛嘗試、愛冒瞼、愛奇特主意的本性. 場內預備了大量被人認為是”廢物”既材料, 包括紙皮, 車軚, 汽水箱, 框架, 卡板等等工具.  原來框架可以用嚟整屋仔架, 你諗到用嚟整咩都可以呀. 小朋友一見到波波就自自然然永被吸引過去.  除咗波波池之外, 仲有大量既膠磚頭, 想用嚟起屋仔都可以, 不過太大風一吹就散!   小朋友大人齊齊發揮創意, 用啲竹去整管道玩轆波仔.  今日好開心有海琳妹妹陪陶寶b一齊玩呢, 兩位小小拎住支粉筆不斷地係地下油油畫畫. 其實有時真係好可笑, 明明用支粉筆畫地下係一個非常簡單既好玩意, 但係香港, 睇怕都好難有一個地方可以容許你隨便畫.  汽水箱同埋個竹鑼可以點玩?! 哈哈哈, 咪就係當拖拉車嚟玩囉, 玩到兩位小朋友大聲卡卡笑.    唔係講笑, 查實咁樣拉陶寶b都幾重吓, 佢就玩得開心啦. 而我地大人們都被小朋友極速放電喔, 要休息吓先可以喔. 海琳妹妹, 你飲唔飲呀?!   其實智樂呢個活動除了可以啟發小朋友之外, 大人都會被感染到的, 還記得小時候在家中用一些毛巾夾仔扮露營嗎?! Haha, 兩位爸爸就發揮佢地既小宇宙, 建成呢個sweet home俾小朋友扮屋企呢.  借埋海琳妹妹嚟扮一家4口, hahaha!!! 之後再自己整個障礙賽俾陶寶b玩, 佢玩到不知幾咁開心呢.  搖身一變, 個紙皮箱就變成車仔. 在場有大量既義工, 佢地會用不同既創意去諗一些小遊戲同小朋友一齊玩, 陶寶b及海琳妹妹就跟住去扮火車喔.  平時好少機會可以接觸到車軚, 陶寶b就嚟個小童”激戰”版, 轆轆轆呀!!!  “大人也曾是孩子也曾冒險”呢句說話講得好啱呢, 其實快樂真係可以好簡單, 不需要玩具, 用最簡單既物資加無限既想像力去創作出最好玩既遊樂園,希望日後香港都可以多一些類似既活動舉辦喔.  繼續看： 【2A MAMA】社區共建遊樂場 - 中西區海濱2016 @ 20-11-2016 【2A MAMA】Marathon 2016 親子同樂跑 @20-11-201 陶寶b與莎拉媽 - 【夜遊西九】戶外電影@自由約 >> 看更多親子活動分享 <<