最近身邊好多孕媽朋友同FB孕媽群組都不斷提出 "新生兒代謝病篩查計劃" 既疑問 相信好多孕媽們都已經聽過，但到底 "新生兒代謝病篩查計劃"又係咩一回事呢？又真係有幾多孕媽會清楚知道？   其實打從第一次係政府做產檢既時候我已經聽過呢個計劃，（我係揀左贊育檢查，瑪麗待產既） 當時仲好記得姑娘仲提我地要填返份同意書交返俾佢地， 原來呢個 "新生兒代謝病篩查計劃" 係一個先導計劃， 換句話而言，並未係政府醫院普及，只係某一、兩間指定醫院先有會。   ＊＊我亦有聽過同我一樣去贊育檢查既孕媽表示唔知呢樣野，填完都無印象 ＊＊     "新生兒代謝病篩查計劃" 簡單介紹  "新生兒代謝病篩查計劃" 係今年10月份先開始推行先導計劃， 為期約18個月，暫時只有伊利沙伯醫院 （QE）同瑪麗醫院 （QM）出生既嬰兒可以免費參加計劃。 而計劃會分為兩個階段， 第一階段會為期 6 個月，當中的測試可試驗出 21種代謝病 第二階段為期 12個月，測試會比第一階段涵蓋的 21種代謝病多 3種，即總數 24種代謝病   咁，到底代謝病又係咩？ 原來代謝病的BB會因為缺少左部分酵素，以致唔可以正常咁進行新陳代謝， 因而令到BB身體殘留左過多的有毒物質或者令BB吸收唔到重要既營養素。 如果唔及時治療既話，仲有機會令BB出現發育問題或造成終身的缺憾，更嚴重既仲可能會導致死亡添架。   點樣幫BB進行檢測？ 醫護人員會係初生BB出生後  7 日內為BB進行檢測， 會係BB既腳板底刺針，收取血液樣本來進行來檢測，大約幾日就會知道結果架啦 但係亦可能有啲BB係唔適合做檢測既，例如少於34週出生或者出生時體重少過 2公斤既，都唔適合做檢測架     既然而家唔係間間醫院有，咁實會有好多孕媽問點樣先可以做到 孕媽可以先打去自己待產既政府查詢一下， 睇下係咪真係無提供呢項檢查先， 如果真係無既話， 其實有啲私家醫院亦有提供相關既服務，例如 浸會醫院 就係其中一間啦 不過就係屬於自費性質，價錢大概一千左右 不過而家其實坊間有啲機構都已經有提供限量既免費檢測俾孕媽登記做測試， 而 安康檢 就係其中一間， 佢地第一期既計劃一推出個陣已經好多孕媽登記， 不過當時登記人數有限， 所以好多孕媽都登記唔到   最近 安康檢 又再推出相關既計劃， 有興趣既孕媽不妨去登記左先 不過今次呢個計劃只係每個月提供 10 個名額獲得免費既計劃， 而計劃只係提供俾登記後3個月內生產既孕媽， 登記日期只係去到 2016年 2月 29號咋， 所以想登記既孕媽再把握機會，盡早登記啦 不過抽唔中都唔駛擔心，佢地原來都會為參加左登記既孕媽提供 7折優惠既， 所以一試無妨呀   為左保障自己既BB，都係盡早查詢同登記啦！ 各位孕媽，一齊加油啦！       如有任何查詢／合作，歡迎聯絡 我 同 小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）   圖片來源